ඉරාන යුද්ධය සම්බන්ධයෙන් ධවල මන්දිරය ගනු ලැබූ තීරණ ප්රසිද්ධ කිරීමට පෙර, තෙල් වෙළඳපොළේ සිදුවූ අසාමාන්ය මූල්ය ගනුදෙනු පිළිබඳව විධිමත් විමර්ශනයක් පවත්වන ලෙස ඇමරිකානු ඩිමොක්රටික් පාක්ෂික සෙනෙට් මන්ත්රීවරුන් වන එලිසබෙත් වොරන් සහ ෂෙල්ඩන් වයිට්හවුස් රජයෙන් ඉල්ලා ඇත. රජයේ අභ්යන්තර තොරතුරු භාවිතා කරමින් (Insider Trading) කිසියම් පිරිසක් විශාල ලාභයක් උපයා ඇති බවට ඔවුන් මෙහිදී සැක පළ කරති.
විශේෂයෙන්ම මාර්තු 23 වැනිදා සිට ඉරානය, වෙනිසියුලාව සහ වෙළඳ බදු පැනවීම් සම්බන්ධයෙන් ධවල මන්දිරය ගත් තීරණවලට ඉතා සුළු මොහොතකට පෙර සිදු වූ දැවැන්ත කොටස් වෙළඳාම් පිළිබඳව විමර්ශනය කළ යුතු බව ඔවුන් අවධාරණය කරයි. මෙවැනි සැකකටයුතු ගනුදෙනු ට්රම්ප් පාලන සමය තුළ නිරන්තරයෙන් වාර්තා වන බව ද ඔවුහු පෙන්වා දෙති.
කෙසේ වෙතත්, ධවල මන්දිරය මෙම චෝදනා ප්රතික්ෂේප කර ඇති අතර, රජයේ අභ්යන්තර තොරතුරු අයථා ලෙස භාවිතා නොකරන ලෙස සිය කාර්ය මණ්ඩලයට දැනටමත් උපදෙස් දී ඇති බව ප්රකාශ කර තිබේ. ඇමරිකානු වෙළඳ භාණ්ඩ අනාගත වෙළඳ කොමිසම (CFTC) මේ සම්බන්ධයෙන් ඉදිරියේදී ගන්නා
පියවර පිළිබඳව ලෝක මූල්ය ක්ෂේත්රයේ දැඩි අවධානයක් යොමුව පවතී.
