ඇමරිකාවේ හාවර්ඩ් විශ්වවිද්යාලයේ පැවැත්වෙන “ඉන්දියා සමුළුව 2026” (India Conference 2026) සඳහා දේශකයන් ලෙස සහභාගී වූ ජ්යෙෂ්ඨ ඉන්දීය දේශපාලනඥ ශෂී තරූර් මහතා සහ ජනප්රිය නිළි ප්රියංකා චොප්රා පිළිබඳව සමාජ මාධ්ය තුළ මේ වන විට දැඩි අවධානයක් යොමු වී තිබේ. ඉන්දියාවේ ව්යාපාරික, ප්රතිපත්ති සහ සංස්කෘතික විවිධත්වය පිළිබඳව සාකච්ඡා කෙරෙන මෙම සමුළුවට ඔවුන් දෙදෙනාම ආරාධිතයින් ලෙස සහභාගී වූ අතර, ඔවුන් දෙදෙනාගේ නම් එකම දැන්වීමක සඳහන් කර තිබීම විශේෂත්වයකි.
කෙසේ වෙතත්, තමන් සහ ප්රියංකා චොප්රා එකම වේදිකාවක අදහස් දැක්වීමට අවස්ථාව නොලැබීම පිළිබඳව ශෂී තරූර් මහතා සිය “X” ගිණුම හරහා හාස්යජනක සටහනක් තබමින් කනගාටුව පළ කර ඇත. එහිදී ඔහු “නමුත් එක්ව නොවේ, අපොයි!” (But not together, alas!) යනුවෙන් සටහන් කර තිබූ අතර, ඔවුන් දෙදෙනා විවිධ සැසිවාරවලදී වෙන් වෙන්ව අදහස් දැක්වීම එයට හේතුවයි. තරූර් මහතාගේ මෙම වචන හරඹයත් සමඟ සමාජ මාධ්ය පරිශීලකයින් ද හාස්යජනක ප්රතිචාර දක්වා ඇති අතර, ප්රියංකාගේ සැමියා වන නික් ජෝනාස් වාසනාවන්තයෙකු බවත්, තරූර් මහතා තවමත් තරුණ මනසක් ඇති පුද්ගලයෙකු බවත් පවසමින් බොහෝ දෙනා ඒ පිළිබඳව අදහස් පළ කර තිබේ.
