ගෝලීය සිංහල එකමුතුව විසින් ශාසනයේ ආරක්ෂාව සහ උන්නතිය වෙනුවෙන් සංවිධානය කරනු ලබන දැවැන්ත පාගමනේ දෙවන දිනය අද (20) උදෑසන ඉතා උත්කර්ෂවත් අයුරින් ආරම්භ විය. ඊයේ රාත්රියේ කිරිඉබ්බන්ආර විහාරස්ථානයේ නවාතැන් ගෙන සිටි පිරිස අද උදෑසන එතැනින් නික්ම ඇහැටුගස්වැව පාසල අසලින් දෙවන දින පාගමන නිල වශයෙන් ආරම්භ කරන ලදී. බෞද්ධ භික්ෂූන් වහන්සේලා සහ සිංහල බෞද්ධ ජනතාව විශාල පිරිසකගේ සහභාගීත්වයෙන් පැවැත්වෙන මෙම පාගමන, රටේ පවතින සුවිශේෂී ශාසනික ගැටලු පිළිබඳව බලධාරීන්ගේ සහ මහජනතාවගේ අවධානය යොමු කරවීම අරමුණු කර ගනිමින් සංවිධානය කර ඇත.
මෙම අවස්ථාවේදී මාධ්ය වෙත අදහස් දැක්වූ කෝසල පත්තිනිගේ මහතා ප්රකාශ කළේ සසුන රැක ගැනීම වෙනුවෙන් සියලු සිංහල ජනතාව එක්විය යුතු බවත්, මෙම පාගමන හරහා බලාපොරොත්තු වන්නේ ජාතික සමගිය සහ ආගමික සුරක්ෂිතතාවය තහවුරු කිරීම බවත්ය. අජිත් රණසිංහ මහතා සඳහන් කළේ පවතින අභියෝග හමුවේ පසුබට නොවී ඉදිරියට යන බවත්, මේ සඳහා ජනතාවගෙන් ලැබෙන සහයෝගය ඉතා ඉහළ මට්ටමක පවතින බවත්ය. එමෙන්ම හරිෂ්චන්ද්ර ජයකොඩි මහතා අවධාරණය කළේ ශාසනයට එල්ල වන විවිධ තර්ජන පිළිබඳව සමාජය දැනුවත් කිරීම සහ ඒ සම්බන්ධයෙන් බලධාරීන්ට බලපෑම් කිරීම මෙම පාගමනේ ප්රධාන අරමුණක් බවයි. මෙම පාගමන ඉදිරි දින කිහිපය තුළ නියමිත ගමන් මාර්ගය ඔස්සේ තවදුරටත් ඉදිරියට ගමන් කිරීමට නියමිතය.
