ඉඩම් හිමිකම් නිරවුල් කිරීමේ දෙපාර්තමේන්තුවේ වත්මන් ක්රියාකාරීත්වය සහ ඉදිරි සැළසුම් පිළිබඳ ප්රගති සමාලෝචන රැස්වීමක් අමාත්ය කේ.ඩී. ලාල් කාන්ත මහතාගේ ප්රධානත්වයෙන් අද (01) පැවැත්විණි. 1903 වසරේදී පිහිටුවන ලද මෙරට පැරණිතම රාජ්ය ආයතනයක් වන මෙම දෙපාර්තමේන්තුවේ සේවාවන් වඩාත් විධිමත් කිරීම මෙහි මූලික අරමුණ විය.
දෙපාර්තමේන්තුව සතු ප්රාදේශීය කාර්යාල සංඛ්යාව දැනට පවතින 52 සිට 80 දක්වා ඉහළ නැංවීමට මෙහිදී තීරණය කෙරුණු අතර, එමගින් ජනතාවට වඩාත් සමීප කාර්යක්ෂම සේවාවක් ලබා දීමට අපේක්ෂා කෙරේ. විශේෂයෙන්ම වසර 28ක් පැරණි ඉඩම් නිරවුල් කිරීමේ ආඥා පනත වර්තමානයට ගැළපෙන පරිදි සංශෝධනය නොකිරීම නිසා මතුව ඇති ගැටලු පිළිබඳව ද අමාත්යවරයාගේ විශේෂ අවධානය යොමු විය. පවතින නීතිමය සහ පරිපාලනමය බාධා ඉවත් කරමින් ජනතාවගේ ඉඩම් හිමිකම් කඩිනමින් නිරවුල් කර දීමට අවශ්ය පියවර ගන්නා ලෙස අමාත්යවරයා මෙහිදී නිලධාරීන්ට උපදෙස් ලබා දුන්නේය.
