ඉරාන ‘IRIS Bushehr’ නෞකාවට ශ්රී ලංකා මුහුදු සීමාවට ඇතුළු වීමට අවසර දීම සහ එහි කාර්ය මණ්ඩල සාමාජිකයින් 208 දෙනෙකු මානුෂීය හේතූන් මත කොළඹට රැගෙන ඒමට ජනාධිපති අනුර කුමාර දිසානායක මහතා ගත් තීරණය ශ්රී ලංකා පොදුජන පෙරමුණේ (SLPP) ජාතික සංවිධායක නාමල් රාජපක්ෂ මහතා සාදරයෙන් පිළිගෙන තිබේ. සිය X (ට්විටර්) ගිණුමේ සටහනක් තබමින් ඔහු පවසා සිටියේ පවතින ජාත්යන්තර ගැටුම්කාරී වාතාවරණය හමුවේ ශ්රී ලංකාව මෙලෙස මධ්යස්ථව කටයුතු කිරීම ඉතා වැදගත් බවයි.
ඉන්දියන් සාගරයේ ආරක්ෂාව සහ සමුද්රීය සුරක්ෂිතතාව තහවුරු කර ගැනීම සඳහා රජය ඉන්දියාව ඇතුළු කලාපීය හවුල්කරුවන් සමඟ සමීපව කටයුතු කළ යුතු බව ද මන්ත්රීවරයා මෙහිදී පෙන්වා දී ඇත. ගෝලීය ස්ථාවරත්වය වෙනුවෙන් අදාළ සියලු පාර්ශවයන් සමඟ සාකච්ඡා මාර්ගයෙන් විසඳුම් සෙවීමට රජය දිගින් දිගටම පියවර ගනු ඇතැයි තමන් අපේක්ෂා කරන බව ද ඔහු වැඩිදුරටත් සඳහන් කළේය.
