පවතින ලෝක අර්බුදය හමුවේ වුවද මෙරට තේ කර්මාන්තය ආශ්රිතව පැනනැඟුණු ගැටලු ඉතා සාර්ථකව කළමනාකරණය කිරීම සඳහා රජය ගත් පියවර බෙහෙවින් ප්රශංසනීය බව සහකාර තේ කොමසාරිස් නිශාන්ත බටුවන්තුඩාව මහතා ප්රකාශ කර තිබෙනවා. මෙම ක්රියාවලිය තවදුරටත් සාර්ථක කර ගැනීම සඳහා කුඩා තේවතු හිමියන්ගේ සහායද අත්යවශ්යයෙන්ම ලබා දිය යුතු බවයි ඔහු වැඩිදුරටත් පෙන්වා දෙන්නේ.
සහකාර තේ කොමසාරිස්වරයා මෙම අදහස් පළ කර සිටියේ සබරගමුව පළාත තුළ ප්රථම වරට කුඩා තේවතු හිමියන් වෙනුවෙන් සංවිධානය කරන ලද “රන් දල්ලට අරුණැල්ලක් බක්මහ ඉතුරුම්” ලබා දීමේ විශේෂ වැඩසටහන ආරම්භ කරමිනුයි.
නාවලකන්ද තේ කර්මාන්ත ශාලාවේදී පැවැත්වුණු මෙම උත්සවයේදී කුඩා තේවතු හිමියන් දෙදහසකට ආසන්න පිරිසක් වෙනුවෙන් රුපියල් ලක්ෂ 700 ක වටිනාකමකින් යුත් ඉතුරුම් මුදල් බෙදා දීමද ඉතා සාර්ථකව සිදු කෙරුණා.
