ටික්ටොක් ක්ෂේත්රයේ ආයෝජන අවස්ථාවක් ලබා දෙන බව පවසා 25 හැවිරිදි තරුණියක රවටා, ඇයව ගෙල සිරකර ඝාතනය කර සිරුර සඟවා තැබූ 55 හැවිරිදි පුද්ගලයෙකුට (Mr. A) එරෙහිව පවරා තිබූ නඩුවේ තීන්දුව ප්රකාශයට පත් කරමින් අධිකරණය ඔහුට වසර 40ක සිරදඬුවමක් නියම කළේය. රජයේ අභිචෝදකයින් විසින් මොහුට මරණ දඬුවම ඉල්ලා තිබුණ ද, පළමු නඩු විභාගයේදීම මෙම දැඩි සිරදඬුවම ලබා දීමට විනිසුරු සෝන්ග් බ්යුන්ග්-හූන් (Song Byung-hoon) මහතා තීරණය කළේය.
මෙම අපරාධකරු පසුගිය වසරේ සැප්තැම්බර් 11 වනදා ඉන්චියොන් (Incheon) ප්රදේශයේදී අදාළ තරුණිය ඝාතනය කර, ඇයගේ සිරුර උතුරු ජොල්ලා පළාතේ මුජු (Muju) ප්රාන්තයේ කඳුකර ප්රදේශයක සඟවා තිබුණි. තමන් ටක්ටොක් වෙළඳපොළ පිළිබඳව මැනවින් දන්නා බව පවසමින් ව්යාපාරික හවුල්කාරිත්වයක් සඳහා තරුණිය පොළඹවා ගෙන ඇති සැකකරු, පසුව චැනලය කළමනාකරණය කිරීම සම්බන්ධයෙන් ඇති වූ ආරවුලක් මත මෙම ඝාතනය සිදු කර ඇති බව විමර්ශනවලදී අනාවරණය විය.
නඩු තීන්දුව ප්රකාශයට පත් කරමින් අධිකරණය සඳහන් කළේ මිනිස් ජීවිතයක් යනු කිසිවකටත් හුවමාරු කළ නොහැකි අති උත්තරීතර අගයක් බවත්, සැලසුම් සහගතව හෝ ක්ෂණික කෝපය මත සිදුකරන කිසිදු මනුෂ්ය ඝාතනයක් කිසිලෙසකත් ඉවසිය නොහැකි බවත්ය. අපරාධකරු සිරුර සොයා ගන්නා තෙක් සිය වැරැද්ද පිළිගැනීම ප්රතික්ෂේප කර ඇති අතර, තරුණ වියේදීම සිය සිහින හඹා යාමට නොහැකිව මියගිය එම තරුණියගේ පවුලේ සාමාජිකයන් අදටත් දැඩි මානසික පීඩනයකින් පසුවන බව ද විනිසුරුවරයා පෙන්වා දුන්නේය.
