මැදපෙරදිග කලාපයේ උද්ගතව ඇති යුදමය තත්ත්වය හමුවේ දකුණු කොරියාවේ ස්ථාපිත කර ඇති අමෙරිකානු අවි පද්ධති සහ ගුවන් වත්කම් එම කලාපයට මාරු කිරීම වැළැක්විය නොහැකි යථාර්ථයක් බව දකුණු කොරියානු ජනාධිපති ලී ජේ මියුන්ග් පවසයි. සෝල්හි පැවති කැබිනට් රැස්වීමක් අමතමින් ඔහු පෙන්වා දුන්නේ අමෙරිකානු අවි පද්ධති මෙලෙස මාරු කිරීම මඟින් උතුරු කොරියාවට එරෙහිව පවතින ආරක්ෂක ශක්තියට බාධාවක් නොවන බවයි. අමෙරිකානු ගුවන් යානා සහ අනෙකුත් යුද උපකරණ දකුණු කොරියාවෙන් පිටතට ගෙනයාමට සිය රට මනාපයක් නොදැක්වුවද, ගෝලීය ආරක්ෂක අවශ්යතා හමුවේ සෑම දෙයක්ම තම රටට අවශ්ය පරිදිම සිදුකර ගැනීමට නොහැකි වීම තමන් පිළිගන්නා බව ද ජනාධිපතිවරයා වැඩිදුරටත් අවධාරණය කළේය.
