අග්නිදිග විශ්වවිද්යාලයේ කළමනාකරණ හා වාණිජ පීඨයේ අධ්යයන කණ්ඩායම් දෙකක් සඳහා මාර්ගගත (Online) ක්රමයට දේශන පැවැත්වීමට පීඨ පරිපාලනය ගෙන ඇති තීරණයට එරෙහිව සිසුන් ආරම්භ කළ අඛණ්ඩ විරෝධතාව අද (19) දෙවන දිනටත් ක්රියාත්මක වේ. ඊයේ (18) දහවල් විශ්වවිද්යාල පරිපාලන ගොඩනැගිල්ල ඉදිරිපිටින් ආරම්භ වූ මෙම විරෝධතාව සඳහා සිසුන් 200කට අධික පිරිසක් එක්ව සිටිති.
බොහෝ සිසුන් සතුව මාර්ගගත දේශන සඳහා අවශ්ය ලැප්ටොප් හෝ ස්මාර්ට් දුරකථන නොමැති වීම සහ ප්රමාණවත් අන්තර්ජාල පහසුකම් නොමැති වීම හේතුවෙන් මෙම තීරණය තමන්ව දැඩි දුෂ්කරතාවට පත් කර ඇති බව සිසුන් පෙන්වා දෙයි. එසේම, මෙම ක්රමය නිසා සරසවියේ ක්රීඩා, පුස්තකාල සහ බාහිර වැඩසටහන්වලට සහභාගී වීමට ඇති අවස්ථාව අහිමි වන බවත්, භෞතික දේශන මඟින් ලැබෙන ගුණාත්මක අධ්යාපන අත්දැකීම නොලැබෙන බවත් ඔවුහු පවසති. බලධාරීන් සමඟ පැවති සාකච්ඡා එකඟතාවයකින් තොරව අවසන් වීම හේතුවෙන් විසඳුමක් ලැබෙන තෙක් සිය අරගලය අත්නොහරින බව සිසුහු අවධාරණය කරති.
