හෙට (11) පාකිස්ථානයේ ඉස්ලාමාබාද් නුවරදී පැවැත්වීමට නියමිත තීරණාත්මක සාම සාකච්ඡාවලට පෙර ස්පාඤ්ඤ විදේශ අමාත්ය හෝසේ මැනුවෙල් ඇල්බරස් විශේෂ ප්රකාශයක් සිදුකර තිබේ. එහිදී ඔහු ඉරාන රජයෙන් ඉල්ලා සිටියේ මෙම සාකච්ඡා සඳහා “හොඳ හිතින්” (Good Faith) සහභාගී වන ලෙසයි.
පසුගිය බදාදා ඉරාන විදේශ අමාත්ය අබ්බාස් අරග්චි සමඟ පැවැති සාකච්ඡාවකදී, සියලුම මිසයිල සහ ඩ්රෝන ප්රහාර වහාම නතර කරන ලෙස තමන් ඉල්ලා සිටි බව ද ඇල්බරස් මහතා සඳහන් කළේය. මේ අතර ලෙබනනය තුළ ඊශ්රායලය සිදුකරන ප්රහාර ද දැඩි ලෙස හෙළා දුටු ස්පාඤ්ඤ විදේශ අමාත්යවරයා, ලෙබනනයේ පවතින තත්ත්වය “මනුෂ්යත්වයේ හෘද සාක්ෂියට කැළලක්” බවත් ඊශ්රායලය ජාත්යන්තර මානුෂීය නීති උල්ලංඝනය කිරීම පිළිගත නොහැකි බවත් අවධාරණය කළේය. හෙස්බොල්ලා සංවිධානය ඉලක්ක කර ගනිමින් තමන් මෙම ප්රහාර එල්ල කරන බව ඊශ්රායලය පවසන පසුබිමක ස්පාඤ්ඤයේ මෙම ප්රකාශය කලාපීය සාමය සම්බන්ධයෙන් ඉතා වැදගත් වේ.
