පකිස්ථානයේ පැවති 9 වැනි ‘පකිස්ථාන් ආමි ටීම් ස්පිරිට්’ (9th Pakistan Army Team Spirit – PATS 2026) ජාත්යන්තර තරගාවලියේදී විශිෂ්ට දක්ෂතා දක්වමින් රන් පදක්කම දිනාගත් ශ්රී ලංකා යුද්ධ හමුදා කණ්ඩායම ඇගයීමේ විශේෂ උත්සවයක් ඊයේ (19) යුද්ධ හමුදා මූලස්ථානයේදී පැවැත්විණි. එහිදී යුද්ධ හමුදාධිපති ලුතිනන් ජෙනරාල් ලසන්ත රොද්රිගෝ මහතා විසින් ජයග්රාහී නිලධාරීන් සහ සෙසු නිලයන් වෙත සහතික පත් සහ උපහාර තිළිණ ප්රදානය කරන ලදී.
මෙය ශ්රී ලංකා යුද්ධ හමුදාව මෙම ජාත්යන්තර තරගාවලියේදී රන් පදක්කමක් දිනාගත් දෙවන අවස්ථාවයි. (මීට පෙර 2024 වසරේදී ද රන් පදක්කමක් දිනාගෙන තිබුණි). පසුගිය 2025 වසරේදී ශ්රී ලංකාවට හිමිවූයේ රිදී පදක්කමකි. මෙවර එම ප්රතිඵලය අභිබවා යමින් යළිත් රන් පදක්කම දිනා ගැනීම හරහා මෙරට යුද හමුදාවේ වෘත්තීය නිපුණතාවය ජාත්යන්තර මට්ටමින් යළිත් තහවුරු කර ඇත.
ස්වභාවය: මෙය පැය 60ක් පුරා විහිදෙන අතිශය දුෂ්කර “මුර සංචාරක අභ්යාසයක්” (Patrolling Exercise) වන අතර, ක්ෂේත්රයේදී ක්ෂණික තීරණ ගැනීම, ශාරීරික දරාගැනීම සහ උපායශීලී කුසලතා මෙහිදී දැඩිව පරීක්ෂාවට ලක් කෙරේ.
සහභාගීත්වය: මෙවර තරගාවලිය සඳහා ඇමරිකා එක්සත් ජනපදය, තුර්කිය, සෞදි අරාබිය, බහරේනය, නේපාලය සහ බංග්ලාදේශය ඇතුළු මිත්රශීලී රටවල් 19කට අයත් කණ්ඩායම් 24ක් සහභාගී විය.
ස්ථානය: පකිස්ථානයේ ‘ඛාරියන්’ (Kharian) ප්රදේශයේ පිහිටි ජාතික ප්රති-ත්රස්තවාදී මධ්යස්ථානයේදී (NCTC) මෙම තරගාවලිය පැවැත්විණි.
ශ්රී ලංකා කණ්ඩායම නේපාලය සහ බහරේනය වැනි ප්රබල කණ්ඩායම් සමඟ කරට කර තරග කරමින් මෙම ජයග්රහණය ලබා ගැනීම සුවිශේෂී වේ. යුද හමුදාධිපතිවරයා මෙහිදී අවධාරණය කළේ මෙවැනි ජාත්යන්තර ජයග්රහණ හරහා ශ්රී ලංකාවට සහ යුද්ධ හමුදාවට ඉමහත් අභිමානයක් එක්වන බවයි.
