අධිකරණ සහ ජාතික ඒකාබද්ධතා අමාත්ය, නීතිඥ හර්ෂණ නානායක්කාර මහතා සහ ශ්රී ලංකාවේ ඕස්ට්රේලියානු මහකොමසාරිස් මැතිව් ඩක්වර්ත් (Matthew Duckworth) මහතා අතර විශේෂ හමුවක් පවත්වා තිබේ. පසුගිය 31 වනදා පස්වරුවේ අධිකරණ අමාත්යාංශ ශ්රවණාගාරයේදී මෙම සාකච්ඡාව පවත්වා ඇත.
ශ්රී ලංකාව සහ ඕස්ට්රේලියාව අතර පවතින ද්විපාර්ශ්වික සබඳතා තවදුරටත් ශක්තිමත් කරගැනීම සහ අධිකරණ ක්ෂේත්රයේ නව ප්රතිසංස්කරණ පිළිබඳව මෙහිදී දෙපාර්ශවය අතර සුහද සාකච්ඡාවක් සිදුවී තිබේ. මෙම සුවිශේෂී අවස්ථාව සඳහා ඕස්ට්රේලියානු මහකොමසාරිස් කාර්යාලයේ දෙවන ලේකම් මැතිව් ලෝඩ් (Matthew Lord) මහතා ඇතුළු රාජ්ය නිලධාරීන් කිහිපදෙනෙකුද එක්ව සිටියහ.
