ශ්රී ලංකාවේ ප්රධාන වාණිජ බැංකු කිහිපයකම ඇමරිකානු ඩොලරයට සාපේක්ෂව රුපියලේ අගය අද (13) සුළු වෙනස්වීම් කිහිපයක් පෙන්වූ අතර, විකුණුම් මිල රුපියල් 314 මට්ටමේ ස්ථාවරව පවතින බව වාර්තා වේ. පසුගිය බ්රහස්පතින්දා දිනයට සාපේක්ෂව අද දින බැංකු වාර්තා කළ අනුපාතයන් පහත පරිදි වේ.
සෙලාන් බැංකුවේ (Seylan Bank) ඩොලරයේ ගැනුම් මිල රුපියල් 308.25ක් සහ විකුණුම් මිල රුපියල් 313ක් ලෙස නොවෙනස්ව පවතී. NDB බැංකුවේ ගැනුම් සහ විකුණුම් මිල පිළිවෙළින් රුපියල් 307.9ක් සහ රුපියල් 314.40ක් දක්වා සුළු අඩුවීමක් පෙන්වා ඇත. මහජන බැංකුවේ (People’s Bank) ගැනුම් මිල රුපියල් 307.57ක් දක්වාත්, විකුණුම් මිල රුපියල් 314.35ක් දක්වාත් සුළු වශයෙන් ඉහළ ගොස් තිබේ.
කොමර්ෂල් බැංකුව සහ සම්පත් බැංකුව යන බැංකු ද්විත්වයේම විකුණුම් මිල රුපියල් 314.25ක් ලෙස නොවෙනස්ව පැවතීම විශේෂත්වයකි. මැදපෙරදිග කලාපයේ පවතින අර්බුදකාරී තත්ත්වය හමුවේ ගෝලීය බලශක්ති මිල ඉහළ යාම විදේශ විනිමය වෙළෙඳපොළ කෙරෙහි ඉදිරියේදී බලපෑම් කළ හැකි බව ආර්ථික විශ්ලේෂකයෝ පවසති.
