නොසැලකිලිමත් තීරණ නිසා සේවකයන් අසරණ වී ඇති බව පවසයි
ලංකා විදුලිබල මණ්ඩලය (CEB) ප්රතිව්යුහගත කිරීමේ ක්රියාවලිය අතිශය ප්රවේශමෙන් සහ දැඩි සැලකිල්ලකින් යුතුව සිදු කළ යුතුව තිබූ බව විපක්ෂ නායක සජිත් ප්රේමදාස මහතා අද (09) ප්රකාශ කළේය.
විපක්ෂ නායකවරයා පෙන්වා දෙන්නේ රජයේ නොසැලකිලිමත් තීරණ හේතුවෙන් විදුලිබල මණ්ඩලයේ සේවකයන් 23,000ක පමණ පිරිසක් අද වන විට දැඩි අසීරුතාවයට සහ අවිනිශ්චිතතාවයට පත්ව ඇති බවයි. ප්රතිව්යුහගත කිරීමේ නාමයෙන් සේවක අයිතිවාසිකම් සහ ආයතනයේ ස්ථාවරභාවය අනතුරේ හෙළා ඇති බවට ඔහු වැඩිදුරටත් චෝදනා කර සිටී.
විදුලිබල මණ්ඩලය අද සිට නිල වශයෙන් විසුරුවා හැර එහි කටයුතු අනුප්රාප්තික සමාගම් වෙත පැවරීමට රජය ගෙන ඇති තීරණයත් සමඟ, විදුලි වෘත්තීය සමිති අද පස්වරුවේ සිට සිය වර්ජන ක්රියාමාර්ග ආරම්භ කර ඇති පසුබිමක විපක්ෂ නායකවරයා මෙම අදහස් පළ කර තිබේ.
