ශ්රී ලංකා මහ බැංකුව විසින් පාර්ලිමේන්තු මන්ත්රීවරුන් යොමු කළ ප්රශ්න 11 කට පිළිතුරු ලබා දීමට අපොහොසත් වී ඇති බව පාර්ලිමේන්තු මන්ත්රී රවී කරුණානායක මහතා අද (08) සභාවේදී චෝදනා කළේය. මහ බැංකුව යනු පාර්ලිමේන්තුවට වග නොකියන ආයතනයක්ද යන්න පිළිබඳව ඔහු මෙහිදී දැඩි ලෙස ප්රශ්න කර සිටියේය.
යොමු කරන ලද ප්රශ්න සඳහා නිසි ප්රතිචාර නොදැක්වීම මගින් පාර්ලිමේන්තුවේ මූල්ය පාලන බලතලවලට බාධා පැමිණෙන බව පෙන්වා දුන් මන්ත්රීවරයා, රාජ්ය ආයතනවල විනිවිදභාවය සහ වගකීම තහවුරු විය යුතු බව අවධාරණය කළේය. මෙම සිදුවීම සම්බන්ධයෙන් රජයේ අවධානය යොමු විය යුතු බවත්, මහ බැංකුව වැනි තීරණාත්මක ආයතන පාර්ලිමේන්තුවට වගකීමට බැඳී සිටින බවත් ඔහු වැඩිදුරටත් ප්රකාශ කළේය.
