ශ්රී ලංකාවේ සිවිල් යුද්ධයේ අවසන් අදියරේදී පුද්ගලයන් 2,764 දෙනෙකු අතුරුදහන් වී ඇති බවට වාර්තා වුවද, එම සංඛ්යාලේඛන පිළිබඳව තවමත් විවාදාත්මක තත්ත්වයක් පවතින බව අධිකරණ අමාත්ය හර්ෂණ නානායක්කාර මහතා අද (20) පාර්ලිමේන්තුවේදී ප්රකාශ කළේය. පාර්ලිමේන්තු මන්ත්රී ශානක්කියන් රාසමානික්කම් මහතා යොමු කළ ප්රශ්නයකට පිළිතුරු දෙමින් අමාත්යවරයා සඳහන් කළේ අතුරුදහන් වූවන් පිළිබඳ නිවැරදි දත්ත පද්ධතියක් දැනට නොමැති බවයි.
යුද සමයේදී දෙපාර්ශ්වයම බලහත්කාරයෙන් අතුරුදහන් කිරීම්වල නිරත වී ඇති බවත්, රජය එවැනි ක්රියාවන් කිසිලෙසකත් අනුමත නොකරන බවත් ඔහු මෙහිදී අවධාරණය කළේය. කෙසේ වෙතත්, මෙම අතුරුදහන් වීම් සම්බන්ධයෙන් විමර්ශනය කිරීම සඳහා කිසිදු ජාත්යන්තර යාන්ත්රණයකට රජය ඉඩ ලබා නොදෙන බව ද අමාත්යවරයා වැඩිදුරටත් කියා සිටියේය. මෙවැනි සංවේදී කරුණු සම්බන්ධයෙන් රජය දේශීය යාන්ත්රණයක් හරහා විසඳුම් සෙවීමට ප්රමුඛතාවය ලබා දෙන බව ද සභාවේදී අනාවරණය විය.
