කළුතර සිට ගාල්ල, හම්බන්තොට සහ පොතුවිල් හරහා මඩකලපුව දක්වා වෙරළට ඔබ්බෙන් වන මුහුදු ප්රදේශවල තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණවිද්යා දෙපාර්තමේන්තුව පවසනවා. එම දෙපාර්තමේන්තුව අද (අප්රේල් 1) පස්වරු 2.00ට නිකුත් කළ නිවේදනයක මේ බව සඳහන් කර තිබේ.
දිවයින වටා වන සෙසු මුහුදු ප්රදේශවල ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇති විය හැක. සුළං නිශ්චිත දිශාවකින් තොරව හමා එන අතර සුළගේ වේගය පැයට කිලෝමීටර 20ත් 30ත් අතර පමණ අගයක් ගන්නා බව එම නිවේදනයේ වැඩිදුරටත් සඳහන් වේ.
මේ අතර දිවයින වටා වන මුහුදු ප්රදේශ සාමාන්ය ස්වභාවයේ පවතින බව සඳහන් වේ. කෙසේ වෙතත් ගිගුරුම් සහිත වැසි ඇති වන විට එම මුහුදු ප්රදේශවල තාවකාලිකව තද සුළං ඇති විය හැකි අතර එවිට එම මුහුදු ප්රදේශ තාවකාලිකව ඉතා රළු විය හැකි බව කාලගුණවිද්යා දෙපාර්තමේන්තුව අවධාරණය කරයි.
