මැදපෙරදිග කලාපයේ පවතින උණුසුම් යුදමය වාතාවරණය සහ ඉන්දියානු සාගරයේ සිදුවූ නාවික ගැටුම් සැළකිල්ලට ගනිමින් ශ්රී ලංකා රජය වහාම ක්රියාත්මක වන පරිදි ජාතික ආරක්ෂක මණ්ඩලය රැස් කර තිබේ. එහිදී මෙරට ආරක්ෂක තත්ත්වය සහ සාගර කලාපීය ආරක්ෂාව පිළිබඳව දීර්ඝ වශයෙන් සමාලෝචනය කර ඇති අතර, වර්තමානය වන විට ජාතික ආරක්ෂාවට කිසිදු සෘජු තර්ජනයක් නොමැති බව රජය අවධාරණය කරයි.
ජාත්යන්තර මුහුදු සීමාවේ සිදුවන සිදුවීම් සහ ඉරාන නැවියන් සම්බන්ධ කරුණු පිළිබඳව රජයේ අවධානය යොමුව ඇති අතර, අවශ්ය සෑම පූර්ව ආරක්ෂණ ක්රියාමාර්ගයක්ම ගෙන ඇති බව ආරක්ෂක අංශ පෙන්වා දෙයි. මහජනතාව අනියත බියක් ඇති කරගත යුතු නොමැති බවත්, රටේ ආරක්ෂාව සම්බන්ධයෙන් සියලු අංශ දැඩි විමසිල්ලෙන් පසුවන බවත් මෙහිදී වැඩිදුරටත් ප්රකාශ විය.
