පවතින ඉන්ධන අර්බුදය හමුවේ රජයේ සේවකයින්ට සහ අධ්යාපන ක්ෂේත්රයට සහනයක් සැලසීම සඳහා අද (18) සිට නැවත දැනුම් දෙන තුරු සෑම බදාදා දිනයක්ම රජයේ විශේෂ නිවාඩු දිනයක් ලෙස ප්රකාශයට පත් කර තිබේ. අත්යාවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා සඳහන් කළේ මෙම නිවාඩුව පාසල්, විශ්වවිද්යාල සහ අධිකරණ ක්ෂේත්රයට ද අදාළ වන බවයි.
කෙසේ වෙතත් සෞඛ්ය, වරාය, ජලය සහ විදුලිය වැනි අත්යාවශ්ය සේවා පවත්වාගෙන යාම සඳහා මෙම නිවාඩු දිනය අදාළ නොවන අතර එම ආයතන සාමාන්ය පරිදි ක්රියාත්මක වේ. රජයේ නිවාඩුව සැලකිල්ලට ගෙන පෞද්ගලික උපකාරක පන්ති ද අද දින නොපවත්වන ලෙස රජය ඉල්ලීමක් කර තිබේ.
මෙම විශේෂ නිවාඩුව හේතුවෙන් අද දිනයේ දුම්රිය ධාවනය සෙනසුරාදා දිනවල ක්රියාත්මක වන කාලසටහනට අනුව සීමා කර ඇත. ඒ අනුව ප්රධාන මාර්ගයේ ගමන් වාර 29ක්, මුහුදුබඩ මාර්ගයේ 33ක් සහ පුත්තලම මාර්ගයේ ගමන් වාර 9ක් ඇතුළුව සීමිත දුම්රිය සංඛ්යාවක් පමණක් ධාවනය වන බව දුම්රිය දෙපාර්තමේන්තුව නිවේදනය කරයි.
ලංකා ගමනා ගමන මණ්ඩලය (ලංගම) පවසන්නේ බස් රථ ධාවනය මගී අවශ්යතාවය මත සිදුකරන බවයි. සාමාන්ය කාලසටහන්වල යම් සංශෝධන සිදුකර තිබුණද, මගීන් ගැවසෙන ඕනෑම අවස්ථාවක බස් රථ ධාවනය කිරීමට අවශ්ය උපදෙස් ඩිපෝ භාර නිලධාරීන්ට ලබා දී ඇති බව ලංගම ප්රකාශකයෙකු සඳහන් කළේය.
