රජයේ වෛද්ය නිලධාරීන්ගේ සංගමය ඊයේ (09) උදෑසන සිට යළිත් පැය 48ක වැඩවර්ජනයක් ආරම්භ කිරීම හේතුවෙන් දිවයින පුරා රෝගීහු දැඩි අසීරුතාවට පත්ව සිටිති. අප්රේල් මස ගෙවී ගිය දින 10න් දින 5ක්ම වෛද්යවරුන් වැඩ වර්ජනය කර තිබීම විශේෂත්වයකි. මින් පෙර දින හතරක වර්ජනයක් නිම කළ ඔවුන්, ඊයේ සිට මෙම නව වර්ජනය ආරම්භ කළේ රජය සමඟ පවතින ගැටලු කිහිපයක් මුල් කරගනිමිනි.
බාහිර රෝගී අංශ (OPD) සහ සායන සඳහා පැමිණි දහස් සංඛ්යාත ජනතාවට ප්රතිකාර නොලබාම හැරී යාමට සිදු වූ අතර, බොහෝ පිරිසක් වෛද්යවරුන්ගේ මෙම ක්රියාකලාපය පිළිබඳ සිය දැඩි නොසතුට පළ කළහ. ඇතැම් රෝගීන් චෝදනා කරන්නේ වෛද්යවරුන් රජයේ සේවය වර්ජනය කළද, පෞද්ගලික සායන පවත්වාගෙන යන බවයි. උත්සව සමයේ තමන් ප්රාණ ඇපයට ගනිමින් සිදුකරන මෙම වැඩවර්ජන හේතුවෙන් අසරණ රෝගීන් මියයාමට පවා ඉඩ ඇති බවට මහජනතාව අනතුරු අඟවති.
