ශ්රී ලංකාවට අයත් සුවිශේෂී ආර්ථික කලාපය (EEZ) තුළදී ඉරාන නාවික හමුදාවට අයත් ‘අයිරිෂ් ඩෙනා’ නෞකාවට ඇමෙරිකානු සබ්මැරීනයකින් එල්ල වූ ප්රහාරය සම්බන්ධයෙන් රජය සිය නිහඬතාවය වහාම බිඳිය යුතු බව එක්සත් ජාතික පක්ෂය අවධාරණය කරයි. නිවේදනයක් නිකුත් කරමින් එම පක්ෂය පෙන්වා දෙන්නේ මෙම සිදුවීම හේතුවෙන් මෙරට මුහුදු සීමාව යුද කලාපයක් බවට පත්වීමේ බරපතල අවදානමක් මතුව ඇති බවත්, එමගින් මෙරටට පැමිණෙන නෞකාවල ප්රවාහන ගාස්තු සහ රක්ෂණ වාරික (Insurance risks) ඉහළ යාම හරහා ආර්ථිකයට දැඩි බලපෑම් එල්ල වන බවත්ය. ශ්රී ලංකාවට ආසන්න මුහුදු සීමාවේ මෙවැනි මිලිටරි ක්රියාකාරකම් තවදුරටත් සිදු නොකරන ලෙස වොෂින්ටන් පාලනයෙන් (ඇමෙරිකාවෙන්) වහාම සහතිකයක් ලබාගත යුතු බව ද එක්සත් ජාතික පක්ෂය රජයෙන් ඉල්ලා සිටියි. දේශීය වශයෙන් ඉන්ධන සහ අත්යවශ්ය භාණ්ඩ මිල ඉහළ යාමට මෙවැනි ජාත්යන්තර ගැටුම් සෘජුවම බලපාන බැවින් ජාතික ආරක්ෂාව සහ සාමකාමී නාවික කලාපයක් පවත්වා ගැනීම සඳහා රජය වහාම මැදිහත් විය යුතු බව එම නිවේදනයේ වැඩිදුරටත් සඳහන් වේ.
