ශ්රී ලංකාවට අයත් සුවිශේෂී ආර්ථික කලාපය (EEZ) තුළ තවදුරටත් මිලිටරි ක්රියාමාර්ග නොගන්නා බවට ඇමෙරිකා එක්සත් ජනපදයෙන් සහතිකයක් ලබා ගැනීමට රජය වහාම පියවර ගත යුතු බව එක්සත් ජාතික පක්ෂය අවධාරණය කරයි. අද (06) නිවේදනයක් නිකුත් කරමින් එම පක්ෂය පෙන්වා දුන්නේ, ශ්රී ලංකා මුහුදු සීමාව ආසන්නයේදී ඇමෙරිකානු සබ්මැරීනයක් මගින් ඉරාන නෞකාවක් ගිල්වා දැමීම සම්බන්ධයෙන් රජය දිගින් දිගටම නිහඬව සිටීම කනස්සල්ලට කරුණක් බවයි.
මෙවැනි යුදමය ක්රියාමාර්ග හේතුවෙන් මෙරට මුහුදු සීමාව අනාරක්ෂිත ‘යුද කලාපයක්’ බවට පත්වෙමින් පවතින බවත්, එමගින් මෙරට වාණිජ අවශ්යතාවලට බරපතල හානි සිදුවන බවත් එම නිවේදනයේ සඳහන් වේ. විශේෂයෙන්ම සාගර කලාපයේ අනාරක්ෂිත බව නිසා නැව්ගත කිරීමේ පිරිවැය සහ රක්ෂණ ගාස්තු (Insurance premiums) ඉහළ යාම හරහා මෙරට ජීවන වියදම තවත් වැඩිවීමේ අවදානමක් පවතින බව එක්සත් ජාතික පක්ෂය පෙන්වා දෙයි.
