මැදපෙරදිග කලාපීය ආරක්ෂාව අවදානමකට ලක්ව ඇති පසුබිමක ජෝර්දානයේ වෙසෙන ශ්රී ලාංකිකයන්ට තම ආරක්ෂාව සම්බන්ධයෙන් උපරිම සැලකිල්ල යොමු කරන ලෙස අම්මාන් නුවර පිහිටි ශ්රී ලංකා තානාපති කාර්යාලය දැනුම් දෙයි. මේ යටතේ අනවශ්ය ගමන් බිමන්වලින් සම්පූර්ණයෙන්ම වැළකී සිටීම, ජනතාව සාමූහිකව ඒකරාශී වන ස්ථාන මඟහැරීම සහ සැමවිටම දැඩි සුපරීක්ෂාකාරීව පසුවීම අත්යවශ්ය වේ.
තවද, ජෝර්දාන ආරක්ෂක අංශ සහ තානාපති කාර්යාලය විසින් වරින් වර නිකුත් කරනු ලබන නිල නිවේදන හා උපදෙස් අකුරටම පිළිපදින ලෙසත්, කිසියම් හදිසි අවස්ථාවක් හෝ ආරක්ෂාවට තර්ජනයක් එල්ල වුවහොත් වහාම පහත දුරකථන අංක හරහා තානාපති කාර්යාලය සම්බන්ධ කරගන්නා ලෙසත් දන්වා සිටියි.
හදිසි සම්බන්ධීකරණ අංක:
වැඩ බලන දූත මණ්ඩල ප්රධානී: 00962 781365773
කොන්සියුලර් නිලධාරී: 00962 781548585
හදිසි ඇමතුම් අංකය: 00962 777313323
ඊමේල්: [email protected]
