ශ්රී ලංකාවේ අපනයන ආර්ථිකය දිරිමත් කිරීමේ අරමුණින් ශ්රී ලංකා අපනයන සංවර්ධන මණ්ඩලය (EDB) සංවිධානය කරන ‘ශ්රී ලංකා එක්ස්පෝ 2026′ ජාත්යන්තර වෙළඳ ප්රදර්ශනය 2026 ජූනි 18 සිට 21 දක්වා කොළඹ BMICH හිදී පැවැත්වීමට නියමිත අතර ඒ සඳහා සහභාගී වීමට කැමති දේශීය අපනයනකරුවන්ගෙන් දැන් අයදුම්පත් කැඳවනු ලැබේ. ගෝලීය ගැනුම්කරුවන් සහ ආයෝජකයින් 1,500 කට අධික සංඛ්යාවක් හමුවීමට සහ ව්යාපාරික සබඳතා ගොඩනගා ගැනීමට ප්රදර්ශකයන්ට මෙහිදී සුවිශේෂී අවස්ථාවක් හිමිවන අතර ඇඟලුම්, තේ, කුළුබඩු, මැණික්, තොරතුරු තාක්ෂණය සහ සංචාරක සේවා ඇතුළු ක්ෂේත්ර රැසක් නියෝජනය වන පරිදි ප්රදර්ශන කුටි 650ක් මේ වෙනුවෙන් වෙන් කර තිබේ. අයදුම්පත් භාරගන්නා අවසාන දිනය 2026 මාර්තු 31 වන බැවින් උනන්දුවක් දක්වන අපනයන විභවයක් සහිත සමාගම්වලට අපනයන සංවර්ධන මණ්ඩලයේ නිලධාරීන් සම්බන්ධ කර ගනිමින් ලියාපදිංචි විය හැකි අතර ප්රදර්ශන කුටි සංඛ්යාව සීමිත බැවින් තේරීම් කටයුතු තරඟකාරී පදනමක් මත සිදුකිරීමට නියමිතය.
