ශ්රී ලංකාව තුළ ආයෝජනයට හිතකර පරිසරයක් වර්තමාන රජය යටතේ ඉතා වේගයෙන් ස්ථාපිත වෙමින් පවතින බව විදේශ කටයුතු සහ විදේශ රැකියා අමාත්ය අරුන් හේමචන්ද්ර මහතා අද (19) පාර්ලිමේන්තුවේදී පැවසීය. කොළඹ වරාය නගරය ආර්ථික කොමිෂන් සභා පනත යටතේ නියෝග අනුමත කිරීමේ විවාදයට එක්වෙමින් අමාත්යවරයා සඳහන් කළේ, අතීතයේදී ආයෝජකයින්ට මැති ඇමතිවරුන්ගෙන් එල්ල වූ විවිධ බලපෑම් හේතුවෙන් මෙරට ආයෝජනයට පක්ෂපාතී බිමක් නිර්මාණය නොවූ බවයි. එහෙත් නව පාලනය යටතේ එම බාධක ඉවත් කර විනිවිදභාවයකින් යුත් ආයෝජන අවස්ථා පුළුල් කර ඇති බව ඔහු වැඩිදුරටත් අවධාරණය කළේය.
