පවතින ඉන්ධන අර්බුදය කළමනාකරණය කිරීම සඳහා රාජ්ය පරිපාලන අමාත්යාංශය විසින් සෑම බදාදා දිනයක්ම රජයේ නිවාඩු දිනයක් ලෙස ප්රකාශයට පත් කර තිබුණද, ධීවර හා ජලජ සම්පත් දෙපාර්තමේන්තුවේ අත්යවශ්ය සේවා කිසිදු බාධාවකින් තොරව අඛණ්ඩව ක්රියාත්මක වන බව නිවේදනය කර ඇත. ධීවර කර්මාන්තය පැය 24 පුරාම ක්රියාත්මක වන සජීවී ක්ෂේත්රයක් බැවින් ජනතාවට සහ ධීවර ප්රජාවට අවශ්ය සේවාවන් සැපයීම මෙහි මූලික අරමුණයි.
ඒ අනුව කටුනායක බණ්ඩාරනායක ජාත්යන්තර ගුවන්තොටුපළේ පිහිටි තත්ත්ව පාලන උප කාර්යාලය, සියලුම වරාය මෙහෙයුම් කාර්යාල, ගුවන් විදුලි සන්නිවේදන මධ්යස්ථාන සහ යාත්රා නිරීක්ෂණ ඒකකය (VMS) සුපුරුදු පරිදි විවෘතව තැබේ. මේ හරහා මුහුදේ රැකියාවේ නියුතු ධීවරයින්ට, යාත්රා හිමියන්ට සහ මත්ස්ය අපනයනකරුවන්ට අවශ්ය නිල අවසරයන් සහ සන්නිවේදන පහසුකම් බාධාවකින් තොරව ලබාගත හැකිය.
ධීවර හා ජලජ සම්පත් දෙපාර්තමේන්තුවේ අධ්යක්ෂ ජනරාල් සුසන්ත කහවත්ත මහතා ප්රකාශ කර ඇත්තේ, රජයේ නිවාඩු කාලසීමාව තුළ වුවද ධීවර කර්මාන්තයේ නියුතු වූවන්ට කිසිදු ගැටලුවක් ඇති නොවන පරිදි සහය ලබා දීම දෙපාර්තමේන්තුවේ ප්රධාන අපේක්ෂාව බවයි. මෙම ක්රියාවලිය මඟින් මෙරට මත්ස්ය සැපයුම ස්ථාවරව පවත්වා ගැනීමටත්, ධීවරයින්ගේ ආරක්ෂාව තහවුරු කිරීමටත්, මත්ස්ය අපනයන ක්රියාවලිය ප්රමාදයකින් තොරව පවත්වාගෙන යාමටත් හැකි වනු ඇත.
