මැදපෙරදිග කලාපයේ හටගෙන ඇති උග්ර යුදමය වාතාවරණය හේතුවෙන් මෙරට අත්යවශ්ය ආහාර ද්රව්යවල මිල ගණන් සීඝ්රයෙන් ඉහළ ගොස් ඇති බව වාර්තා වේ. සාමාන්යයෙන් සිංහල සහ දෙමළ අලුත් අවුරුදු උදාවත් සමඟ භාණ්ඩ මිල ඉහළ යාම සාමාන්ය තත්ත්වයක් වුවද, මෙවර පවතින ජාත්යන්තර අර්බුදය සහ ඉන්ධන මිල ඉහළ යාම හේතුවෙන් ජනතාවට දැඩි ආර්ථික පීඩනයකට මුහුණ දීමට සිදුව ඇත.
විශේෂයෙන්ම ආනයනික පරිප්පු සහ පොල්තෙල් ඇතුළු දෛනික පරිභෝජනයට අවශ්ය ද්රව්යවල මිල ගණන් මේ වන විට කැපී පෙනෙන ලෙස ඉහළ ගොස් තිබේ. දඹුල්ල තොග වෙළෙඳපොළ දත්තයන්ට අනුව, මීට පෙර රුපියල් 230 – 240 අතර මිලක පැවති පරිප්පු කිලෝවක මිල මේ වන විට රුපියල් 310 – 315 දක්වා ඉහළ ගොස් ඇත. ඇතැම් සිල්ලර වෙළෙඳසල්වල පරිප්පු කිලෝවක් රුපියල් 360 දක්වා ඉහළ මිලකට අලෙවි වන බව ද පාරිභෝගිකයෝ පවසති.
මීට අමතරව, දේශීය ප්රවාහන ගාස්තු සහ ඉන්ධන මිල ඉහළ යාම හේතුවෙන් එළවළු වෙළෙඳාමට ද දැඩි බලපෑම් එල්ල වී තිබේ. ප්රවාහන පිරිවැය ඉහළ යාම මත එළවළු මිල ගණන් ද ශීඝ්රයෙන් ඉහළ යමින් පවතින අතර, එය සාමාන්ය ජනතාවගේ දෛනික ජීවන වියදම ඉහළ නැංවීමට සෘජුවම බලපා ඇත. මැදපෙරදිග කලාපයේ නාවික ගමන් මාර්ගවල පවතින අවහිරතා හේතුවෙන් ඉදිරි මාසවලදී ද ආනයනික භාණ්ඩවල මිල ගණන් තවදුරටත් වෙනස් විය හැකි බව වෙළෙඳ අංශ අනතුරු අඟවයි.
