හිටපු ජනාධිපති ගෝඨාභය රාජපක්ෂ මහතාගේ පාලන සමයේදී රට තුළ නිර්මාණය වූ ඉන්ධන අර්බුදය හුදෙක් විදේශ විනිමය හෝ ඩොලර් හිඟය නිසා ඇතිවූවක් නොවන බව ශ්රී ලංකා පොදුජන පෙරමුණේ මාධ්ය ප්රකාශක සංජීව එදිරිමාන්න මහතා අද (03) ප්රකාශ කළේය. ඔහු පෙන්වා දෙන්නේ එම අර්බුදය පිටුපස නිසි කළමනාකරණයක් නොමැතිකම සහ ඇතැම් නිලධාරීන්ගේ මෙන්ම දේශපාලන අධිකාරියේ වැරදි තීන්දු තීරණ පැවති බවයි. විශේෂයෙන්ම තෙල් නැව් ඇණවුම් කිරීමේදී සහ මුදල් ගෙවීමේදී සිදු වූ ප්රමාදයන් මෙන්ම, පවතින තත්ත්වය ජනතාවට නිවැරදිව සන්නිවේදනය නොකිරීම මෙම අර්බුදය උග්ර වීමට සෘජුවම බලපෑ බව ඔහු අවධාරණය කළේය.
එම කාලසීමාව තුළ ඉන්ධන බෙදාහැරීමේ ක්රමවේදය සහ පිරිපහදු කටයුතුවලදී සිදුවූ අක්රමිකතා ද මෙයට හේතුවූ බවත්, ඩොලර් ප්රශ්නය පෙන්වා දෙමින් සැබෑ දේශපාලන සහ පරිපාලන දුර්වලතා වසා ගැනීමට ඇතැම් පිරිස් උත්සාහ කළ බවත් ඔහු වැඩිදුරටත් පැවසීය. මෙම හෙළිදරව්වත් සමඟ එවකට පැවති පාලනය සහ ඉන්ධන අර්බුදය සම්බන්ධයෙන් දේශපාලන කරළිය තුළ යළිත් දැඩි කතාබහක් නිර්මාණය වී තිබේ.
