ගෝලීය යුදමය වාතාවරණය හමුවේ උද්ගතව ඇති බලශක්ති අභියෝග ජය ගැනීම සඳහා ආහාර බෙදාහැරීමේ ක්ෂේත්රයේ නියුතු ප්රවාහන සේවා සපයන්නන්ගේ ඉන්ධන අවශ්යතා නිවැරදිව හඳුනා ගැනීමේ විශේෂ වැඩසටහනක් රජය විසින් ආරම්භ කර තිබේ. මෙහි මූලික අරමුණ වන්නේ ආහාර සැපයුම් ජාලය බාධාවකින් තොරව පවත්වාගෙන යෑම සහ ඉන්ධන බෙදාහැරීමේ ප්රතිපත්තිමය තීරණ වඩාත් විද්යාත්මක දත්ත මත පදනම්ව ලබා ගැනීමයි.
මෙම දත්ත රැස් කිරීමේදී විශේෂයෙන්ම අවධානය යොමු කරනු ලබන්නේ මෙතෙක් කිසිදු රජයේ අමාත්යාංශයක හෝ නිල ලේඛනයක ලියාපදිංචි වී නොමැති, එහෙත් ආහාර ප්රවාහන හා සැපයුම් මෙහෙයුම්වල නිරත වන පෞද්ගලික ප්රවාහන සේවා සපයන්නන් පිළිබඳව පමණක් බව වෙළෙඳ අමාත්යාංශය අවධාරණය කරයි. මැදපෙරදිග යුද තත්ත්වය නිසා ඉන්ධන සැපයුමට එල්ල වී ඇති බාධා හමුවේ, ආහාර වැනි අත්යවශ්ය ද්රව්ය ප්රවාහනය කරන වාහන සඳහා ප්රමුඛතාව ලබා දීමට රජය සැලසුම් කර ඇත. මෙම දත්ත පද්ධතිය හරහා එම වාහන සඳහා අවශ්ය ඉන්ධන කෝටාවන් විධිමත් ලෙස වෙන් කිරීමට හැකි වනු ඇත.
නිවැරදි දත්ත ලබා ගැනීම මඟින් ආහාර බෙදාහැරීමේ ක්රියාවලිය වඩාත් කාර්යක්ෂම කිරීමටත්, අනවශ්ය ඉන්ධන නාස්තිය අවම කරමින් අර්බුදකාරී අවස්ථාවක වුවද වෙළෙඳපොළේ ආහාර හිඟයක් ඇති වීම වැළැක්වීමටත් රජය අපේක්ෂා කරයි. මේ හරහා අනාගත බලශක්ති සැලසුම්කරණය වඩාත් විධිමත් ලෙස සිදු කිරීමට ද වෙළෙඳ අමාත්යාංශය බලාපොරොත්තු වේ.
