ඉන්ධන තොගයක් රැගත් ‘හරි ආනන්ද්’ (HARI ANAND) නෞකාව අද (29) දහවල් කොළඹ වරායේ ඩොල්පින් ජැටිය වෙත පැමිණි බව වරාය සහ සිවිල් ගුවන්සේවා අමාත්යාංශය නිවේදනය කරයි. මෙරට පවතින ඉන්ධන අවශ්යතාව සපුරාලීම සඳහා මෙම නෞකාව මඟින් ඉන්ධන මෙට්රික් ටොන් 36,000ක ප්රමාණයක් රැගෙන විත් තිබේ.
අමාත්යාංශ මාධ්ය ඒකකය සඳහන් කරන පරිදි, මෙම ඉන්ධන තොගයට ඩීසල් මෙට්රික් ටොන් 18,000ක් සහ ඔක්ටේන් 92 වර්ගයේ පෙට්රල් මෙට්රික් ටොන් 18,000ක් ඇතුළත් වේ. නෞකාව වරායට සේන්දු වීමෙන් අනතුරුව, එම ඉන්ධන තොගය කොළොන්නාව ඉන්ධන ගබඩා සංකීර්ණය වෙත සම්ප්රේෂණය කිරීමේ කටයුතු මේ වන විටත් ආරම්භ කර ඇත.
මෙම ඉන්ධන තොගය මෙරටට ලැබීමත් සමඟ වෙළඳපොළේ පවතින ඉන්ධන ඉල්ලුම බාධාවකින් තොරව සැපයීමට හැකි වනු ඇතැයි බලධාරීන් අපේක්ෂා කරයි. පවතින ගෝලීය බලශක්ති අභියෝග හමුවේ මෙලෙස අඛණ්ඩව ඉන්ධන ආනයනය කිරීම සහ බෙදා හැරීම සහතික කිරීමට රජය පියවර ගෙන තිබේ.
