ගෝලීය ඉන්ධන අර්බුදය හමුවේ මෙරට පවතින ඉන්ධන සංචිත නිසි ලෙස කළමනාකරණය කිරීමට QR ක්රමවේදය හඳුන්වා දීම ඉතා වැදගත් වන බව ඛනිජ තෙල් බෙදුම්කරුවන්ගේ සංගමය සඳහන් කරයි. මැදපෙරදිග යුදමය වාතාවරණය හේතුවෙන් ලොව පුරා ඉන්ධන සැපයුමට බාධා එල්ල වී ඇති පසුබිමක, රජය ගෙන ඇති මෙම උපායමාර්ගික පියවර මඟින් දෛනික කටයුතු බාධාවකින් තොරව පවත්වාගෙන යාමට හැකියාව ලැබෙන බව ඔවුන් පෙන්වා දෙයි.
කොළඹ විශ්වවිද්යාලයේ මහාචාර්ය සුරංග සිල්වා මහතා පවසන්නේ ඉන්ධන සංචිත සීමිත බැවින් QR ක්රමවේදය හරහා ඒවා බෙදා හැරීම සාර්ථක ආර්ථික කළමනාකරණ පියවරක් බවයි. එමෙන්ම කෘෂිකාර්මික කටයුතු සඳහා කිසිදු බාධාවකින් තොරව ඉන්ධන ලබා දීමේ විශේෂ වැඩපිළිවෙලක් ක්රියාත්මක කර ඇති බව ගොවිජන සංවර්ධන කොමසාරිස් ජෙනරාල් ධම්මික රණතුංග මහතා තහවුරු කරයි. ප්රවාහන අමාත්යාංශය අවධාරණය කරන්නේ පොදු ප්රවාහන සේවාවන් අඩාල වීමට කිසිසේත්ම ඉඩ නොතබන බවයි.
පසුගිය සති දෙක තුළ ලොව බොහෝ රටවල ඉන්ධන මිල ශීඝ්රයෙන් ඉහළ ගියද, සාපේක්ෂව ශ්රී ලංකාවේ මිල ඉහළ ගොස් ඇත්තේ ඉතා අවම ප්රමාණයකින් බව මෙහිදී අනාවරණය විය. පවතින තත්ත්වය ජය ගැනීමට නම් රජයේ වැඩපිළිවෙලට ජනතාවගේ සහයෝගය අත්යවශ්ය බව ‘අලුත් පියාපත්’ සංවිධානය වැනි සිවිල් සංවිධාන ද පෙන්වා දෙයි.
