මාසිකව සිදුකරනු ලබන ඉන්ධන මිල සංශෝධනයට අනුව මාර්තු මාසය සඳහා වන නව මිල ගණන් අද (28) මධ්යම රාත්රියේ සිට ක්රියාත්මක වන පරිදි ප්රකාශයට පත් කර තිබේ. මෙම සංශෝධනයට අනුව සුදු ඩීසල් ලීටරයක මිල රුපියල් 4කින් ඉහළ දමා ඇති අතර එහි නව මිල රුපියල් 281ක් වේ. ලංකා සුපිරි ඩීසල් ලීටරයක මිල රුපියල් 6කින් ඉහළ නංවා ඇති අතර ඒ අනුව එහි නව මිල රුපියල් 329ක් ලෙස දැක්වේ.
එසේම ඔක්ටේන් 92 පෙට්රල් ලීටරයක මිල ද රුපියල් 1කින් ඉහළ දමා ඇති අතර එහි නව මිල රුපියල් 293ක් ලෙස සංශෝධනය වී ඇත. කෙසේ වෙතත් ඔක්ටේන් 95 පෙට්රල් ලීටරයක් රුපියල් 340ක පැවති මිලටම සහ භූමිතෙල් ලීටරයක් රුපියල් 182ක් වූ පැවති මිලටම කිසිදු වෙනසක් නොවී නොවෙනස්ව පවතින බව ද නිවේදනය කර තිබේ. මෙම මිල සංශෝධනයන්ට සමගාමීව ලංකා අයි.ඕ.සී. සමාගම ද සිය ඉන්ධන මිල ගණන් සංශෝධනය කර ඇත.
මැදපෙරදිග පවතින උණුසුම් වාතාවරණය හමුවේ ලෝක වෙළඳපොළේ තෙල් මිල ශීඝ්රයෙන් ඉහළ යමින් පවතින අතර, හෝමුස් සමුද්ර සන්ධියේ නාවික කටයුතු අවහිර වුවහොත් තවදුරටත් මිල ගණන් ඉහළ යා හැකි බවට ආර්ථික විශ්ලේෂකයෝ අනතුරු අඟවති. මෙම ගෝලීය තත්ත්වය මෙරට ඉදිරි ඉන්ධන මිල කෙරෙහි ද සෘජු බලපෑමක් එල්ල කළ හැකිය.
