රජය නියම කර ඇති පාලන මිල ඉක්මවා වැඩි මිලකට දේශීය කීරි සම්බා සහල් අලෙවි කළ වෙළෙඳසල් හිමියෙකුට රුපියල් ලක්ෂයක දඩ මුදලක් ගෙවන ලෙස මහර මහේස්ත්රාත් අධිකරණය අද (25) නියෝග කළේය. මහර අතිරේක මහේස්ත්රාත් බණ්ඩාර ඉලංගසිංහ මහතා හමුවේ නඩුව කැඳවූ අවස්ථාවේදී අදාළ ව්යාපාරිකයා වරද පිළිගැනීමෙන් අනතුරුව මෙම දඩය නියම විය.
මෙසේ දඩ නියම වූයේ කඩවත, පහළ පාර ප්රදේශයේ පදිංචි වෙළෙඳසල් හිමියෙකුටය. දේශීය කීරි සම්බා සහල් කිලෝවක උපරිම සිල්ලර මිල රුපියල් 260ක් ලෙස නියම කර තිබියදී, මෙම වෙළෙඳසැල තුළ සහල් කිලෝවක් රුපියල් 360 බැගින්, එනම් රුපියල් 100ක වැඩි මිලකට අලෙවි කර ඇති බව පාරිභෝගික සේවා අධිකාරියේ විමර්ශන නිලධාරීන් අධිකරණයට කරුණු වාර්තා කළේය. මැදපෙරදිග අර්බුදය හමුවේ අත්යවශ්ය භාණ්ඩ මිල ඉහළ යමින් පවතින පසුබිමක, පාරිභෝගිකයින් සූරාකන වෙළෙඳුන් සොයා වැටලීම් දැඩි කරන ලෙස බලධාරීන් උපදෙස් දී ඇත.
