බස්නාහිර, සබරගමුව, දකුණ, නැගෙනහිර, වයඹ, උතුරු සහ උතුරු මැද යන පළාත්වල මෙන්ම මොණරාගල දිස්ත්රික්කයේ පදිංචිකරුවන් සඳහා දැඩි උණුසුම් කාලගුණයක් පිළිබඳ අවවාදාත්මක නිවේදනයක් නිකුත් කර තිබේ. කාලගුණ විද්යා දෙපාර්තමේන්තුවට අනුව, මිනිස් සිරුරට දැනෙන උෂ්ණත්වය හෙවත් ‘තාප දර්ශකය’ (Heat Index) හෙට (30) දිනයේදී මෙම ප්රදේශවල ඇතැම් ස්ථානවල ‘අවධානය’ (Caution) මට්ටම දක්වා ඉහළ යාමට ඉඩ ඇති බව වාර්තා වේ.
සාපේක්ෂ ආර්ද්රතාවය සහ උපරිම උෂ්ණත්වය භාවිතයෙන් ගණනය කරනු ලබන මෙම තාප දර්ශකය මඟින් මිනිස් සිරුරට සැබෑ ලෙසම දැනෙන උෂ්ණත්ව තත්ත්වය පෙන්නුම් කරයි. අධික හිරු රශ්මියට දිගු වේලාවක් නිරාවරණය වීම සහ එළිමහන් ක්රියාවලියන්හි නිරත වීම හේතුවෙන් ශරීරයට දැඩි විඩාපත් බවක් දැනිය හැකි අතර, දිගින් දිගටම එවැනි ක්රියාවලියන්හි නිරත වීමෙන් මාංශ පේශි පෙරළීම (Heat cramps) වැනි තත්ත්වයන් ඇති විය හැකි බවට ද දෙපාර්තමේන්තුව අනතුරු අඟවයි.
මේ හේතුවෙන් අදාළ ප්රදේශවල ජනතාව නිතර ජලය පානය කරමින් සජලනය වී සිටින ලෙසත්, වෙහෙසකර එළිමහන් කටයුතු සීමා කරන ලෙසත් සෞඛ්ය බලධාරීන් ඉල්ලා සිටියි. විශේෂයෙන්ම කුඩා දරුවන්, වැඩිහිටියන් සහ රෝගී පුද්ගලයන් මේ පිළිබඳව වඩාත් අවධානයෙන් පසුවිය යුතු බව ද එම නිවේදනයේ වැඩිදුරටත් සඳහන් වේ.
