මෙරට කර්මාන්ත සංවර්ධනය ශක්තිමත් කිරීමේ සහ නව ආයෝජන ආකර්ෂණය කර ගැනීමේ අඛණ්ඩ උත්සාහයේ කොටසක් ලෙස, දේශීය මෙන්ම විදේශීය ආයෝජකයන් සඳහා නව අවස්ථාවක් ලබාදීමට කර්මාන්ත හා ව්යවසායකත්ව සංවර්ධන අමාත්යාංශය පියවර ගෙන තිබේ. ඒ අනුව ශ්රී ලංකාවේ විවිධ කාර්මික කලාපවල දැනට පුරප්පාඩුව පවතින අක්කර 203ක්, රූඩ් 2ක් සහ පර්චස් 25.5ක භූමි ප්රමාණයක් ආයෝජන සඳහා විවෘත කර ඇත.
කර්මාන්ත සංවර්ධන අංශයට අනුව, විවිධ පළාත් කිහිපයක මෙම ඉඩම් ව්යාප්තව පවතින අතර එමඟින් කාර්මික වර්ධනය සඳහා විවිධ ස්ථාන රැසක් තෝරා ගැනීමට ආයෝජකයන්ට අවස්ථාව සැලසේ.
උතුරු පළාතේ මන්නාරම (අක්කර 11, පර්චස් 29.56) සහ වැලිඔය (අක්කර 28) ප්රදේශවල ද, උතුරු මැද පළාතේ රඹෑව–සඳමලගම (අක්කර 16) සහ නොච්චියාගම (අක්කර 50) ප්රදේශවල ද මෙම ඉඩම් පිහිටා තිබේ. වයඹ පළාතේ පුත්තලම (අක්කර 2, රූඩ් 82), රිදීබැඳිඇල්ල (අක්කර 17, පර්චස් 32.2) සහ බංගදෙණිය (අක්කර 7.5) ප්රදේශවලින් ද, සබරගමුව පළාතේ නාලන්දා ඇල්ලවල 2 අදියර යටතේ (අක්කර 3, පර්චස් 35.5) ප්රදේශයෙන් ද ඉඩම් වෙන් කර ඇත.
නැගෙනහිර පළාතේ ත්රිකුණාමලය (අක්කර 7), අම්පාර (අක්කර 3, රූඩ් 3) සහ මඩකලපුව (අක්කර 2) ප්රදේශවලින් ද, මධ්යම පළාතේ උල්පනේ (පර්චස් 35) සහ මාතලේ නාලන්දා (රූඩ් 1) ප්රදේශවලින් ද ඉඩම් ලබාගත හැකිය. ඌව පළාතේ ඌව පරණගම (අක්කර 1, රූඩ් 2, පර්චස් 36.3) සහ බුත්තල (අක්කර 4, රූඩ් 4, පර්චස් 71.4) ප්රදේශවල ද, දකුණු පළාතේ කරන්දෙනිය (අක්කර 5, රූඩ් 3, පර්චස් 38), උඩුකාව (අක්කර 3, රූඩ් 3, පර්චස් 18), බටඅත (අක්කර 3, පර්චස් 27.6), තිහගොඩ (අක්කර 6.5) සහ සූරියවැව (අක්කර 13, රූඩ් 1) ප්රදේශවලින් ද ආයෝජනය සඳහා භූමිය වෙන් කර තිබේ.
මෙම ආයෝජන අවස්ථාවන් පිළිබඳව වැඩිදුර තොරතුරු ලබා ගැනීමට කැමති ආයෝජකයන්ට 011-2441490 හෝ 011-2343937 යන දුරකථන අංක ඔස්සේ කර්මාන්ත සංවර්ධන අංශය ඇමතීමට හැකියාව පවතී.
