ශ්රී ලංකාව තුළ දුම්කොළ භාවිතය ආශ්රිත රෝගාබාධ හේතුවෙන් වසරකට පුද්ගලයින් 12,300කට අධික සංඛ්යාවක් මියයන බව ශ්රී ලංකා ප්රතිපත්ති අධ්යයන ආයතනය (IPS) පෙන්වා දෙයි. ලෝක සෞඛ්ය සංවිධානයේ (WHO) දත්ත උපුටා දක්වමින් ඔවුන් අවධාරණය කරන්නේ, මෙම මරණ සංඛ්යාව අවම කර ගැනීම සඳහා දුම්කොළ බදු ඉහළ නැංවීම වහාම කළ යුතු බවයි.
2026 ලෝක සෞඛ්ය දිනය නිමිත්තෙන් විශේෂ පණිවිඩයක් නිකුත් කරමින් IPS ආයතනය සඳහන් කළේ, දුම්කොළ බදු වැඩිකිරීම යනු මහජන සෞඛ්ය සුරක්ෂිත කිරීම සඳහා ලෝක සෞඛ්ය සංවිධානය පිළිගත් පිරිවැය ඵලදායී හා සාර්ථකම පියවරක් බවයි. “දුම්කොළ යනු හුදෙක් සෞඛ්ය ගැටලුවක් පමණක් නොවේ; එය වසරකට දහස් ගණනකගේ ජීවිත බිලිගන්නා ව්යසනයක්. ශක්තිමත් බදු ප්රතිපත්තියක් හරහා දුම්පානය සීමා කර ජීවිත බේරාගත හැකියි,” යනුවෙන් ඔවුන් වැඩිදුරටත් සඳහන් කළහ.
