ශ්රී ලංකාව ලොව ප්රමුඛතම සමුද්රීය සංචාරක ගමනාන්තයක් ලෙස ප්රවර්ධනය කිරීමේ අරමුණින්, ශ්රී ලංකා සංචාරක ප්රවර්ධන කාර්යාංශය (SLTPB) සහ ශ්රී ලංකා නාවික හමුදාව එක්ව නව වෙබ් අඩවියක් නිල වශයෙන් දියත් කර තිබේ. මෙම නව අන්තර්ගතයන් ශ්රී ලංකා නාවික හමුදාවේ නිල වෙබ් අඩවියට (www.navy.lk) ඇතුළත් කර ඇති අතර, එය ඊයේ (12) දින ප්රකාශයට පත් කරන ලදී.
ලෝක ප්රකට සර්බියානු කිමිදුම්කරුවන් වන ජැනෙස් ක්රන්ජ්ක් (Janez Kranjc), ඉවානා ඔර්ලොවික් ක්රන්ජ්ක් (Ivana Orlovic Kranjc) සහ ඩොරෝටියා ඩිකික් (Dorotea Dikic) විසින් මෙරට මුහුදු සීමාවේදී ලබාගත් අතිවිශේෂ දර්ශන මෙහි ප්රමුඛව ඇතුළත් කර ඇත. විශේෂයෙන්ම ශ්රී ලංකාව සතු ඓතිහාසික නෞකා සුන්බුන් සහිත කිමිදුම් ස්ථාන (Shipwreck sites) සහ ශ්රී ලංකාව සතු ඉහළ සමුද්රීය ජෛව විවිධත්වය ජාත්යන්තර සංචාරකයින් අතරට ගෙනයාම මෙහි ප්රධාන ඉලක්කයයි.
මෙම කිමිදුම් කණ්ඩායම මාර්තු 6 සිට 19 දක්වා කොළඹ, මීගමුව, මිරිස්ස, කිරින්ද සහ ගාල්ල යන ප්රදේශවල කිමිදුම් චාරිකාවල නිරත වෙමින් මෙම දර්ශන පටිගත කර තිබේ. දිට්වා (DITVA) සුළි කුණාටුව වැනි ස්වාභාවික ආපදාවලින් පසු මෙරට සංචාරක කර්මාන්තය යළි නගාසිටුවීමට සහ 2026 වසර සඳහා නියමිත සංචාරක ඉලක්ක සපුරා ගැනීමට මෙම වැඩපිළිවෙළ මගින් විශාල පිටුවහලක් ලැබෙනු ඇතැයි අපේක්ෂා කෙරේ.
