මෙරට සතු වූ දියුණු මානව සම්පත පසුගිය පාලකයින් විසින් විනාශ කර දමා ඇති බව අමාත්ය කේ.ඩී. ලාල් කාන්ත මහතා පවසයි. 55 වන අප්රේල් විරු සැමරුම වෙනුවෙන් බදුල්ල තැපැල් ශ්රවණාගාරයේ පැවති “සදා සමරමු සොහොයුරෝ” සැමරුම් උත්සවයට එක්වෙමින් අමාත්යවරයා මේ බව ප්රකාශ කළේය.
මෙම අවස්ථාවට අමාත්ය සමන්ත විද්යාරත්න සහ නියෝජ්ය අමාත්ය රුවන් රණසිංහ යන මහත්වරුන් ඇතුළු විශාල පිරිසක් සහභාගී වී සිටියහ. අතීතයේ දේශපාලන තීරණ හේතුවෙන් රටේ බුද්ධිමත් සහ ක්රියාශීලී තරුණ පරපුරට සිදුවූ හානිය පිළිබඳව අමාත්යවරයා මෙහිදී දීර්ඝ වශයෙන් කරුණු පැහැදිලි කළේය.
වත්මන් රජය එම මානව සම්පත යළි ගොඩනැගීමට සහ රටේ සංවර්ධනයට දායක කර ගැනීමට ප්රමුඛත්වය ලබා දෙන බව ද අමාත්යවරයා වැඩිදුරටත් අවධාරණය කළේය.
