ලෝක වෙළඳපොළේ ඉන්ධන මිල අසීමිත ලෙස ඉහළ ගොස් තිබුණද, රජයේ මැදිහත්වීම මත මෙරට ආර්ථිකය ස්ථාවර මට්ටමක පවත්වාගෙන යන බව අමාත්ය උපාලි පන්නිල මහතා අවධාරණය කරයි. පවතින ගෝලීය අර්බුදය හමුවේ වුවද සාමාන්ය ජන ජීවිතයට විශාල බලපෑමක් එල්ල වීමට ඉඩ නොතබා කටයුතු කරන බව පෙන්වා දුන් අමාත්යවරයා, ඉන්ධන මිල පාලනය කර ගැනීම සඳහා රජය භාණ්ඩාගාරයෙන් රුපියල් මිලියන 20,000ක දැවැන්ත සහනාධාරයක් වෙන් කර ඇති බව ද අනාවරණය කළේය.
මෙරට ඉන්ධන වෙළඳපොළෙන් 57%ක ප්රමාණයක් රජය සතු වීම හරහා මිල පාලනය කිරීමට හැකි වී ඇති බවත්, පෞද්ගලික අංශයේ මිල වැඩිවීම් වැළැක්විය නොහැකි වුවද ජනතාවට දරාගත හැකි මිලකට ඉන්ධන ලබා දීමට රජය උපරිමයෙන් මැදිහත් වන බවත් හෙතෙම සඳහන් කළේය. බොරතෙල් ලබාගැනීමේ සහ පිරිපහදු කිරීමේ ක්රියාවලියේ පවතින අභියෝග පිළිබඳව අදහස් දැක්වූ අමාත්යවරයා, බොරතෙල් හිඟ වුවහොත් පිරිපහදු කළ ඉන්ධන ලබා ගැනීමට කටයුතු කරන බව ද පැවසීය. විදුලිය උත්පාදනය සඳහා ද ඉන්ධන අත්යවශ්ය වන බැවින්, පවතින තත්ත්වය වටහාගෙන බලශක්තිය ඉතා පිරිමැස්මෙන් යුතුව භාවිත කරන ලෙස ඔහු ජනතාවගෙන් ඉල්ලා සිටියේය.
මෙම අර්බුදය දේශීය ආර්ථික කළමනාකරණයේ වරදක් නොව ගෝලීය බලපෑමක් බව පෙන්වා දුන් පන්නිල මහතා, අනවශ්ය ලෙස පෝලිම්වල රැඳී සිටිමින් පීඩාවට පත් නොවන ලෙසත්, අඛණ්ඩව ඉන්ධන සහ බලශක්තිය සැපයීමට රජය පියවර ගන්නා බවත් සහතික විය. අත්යවශ්ය ආහාර පාන ඇතුළු අනෙකුත් සේවාවන් ද කිසිදු බාධාවකින් තොරව පවත්වාගෙන යාමට රජය කැපවී සිටින බව ඔහු වැඩිදුරටත් ප්රකාශ කළේය.
