දිගු කලක් තිස්සේ අබලන් ගොඩනැගිල්ලක පැවති බඳගිරිය ජනපදය උප තැපැල් කාර්යාලය වෙනුවට ඉදිකළ නවීන ගොඩනැගිල්ල, සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතාගේ ප්රධානත්වයෙන් ඊයේ (27) ජනතා අයිතියට පත් කෙරිණි. රුපියල් මිලියන 5.49ක පිරිවැයකින් මාස පහකට අඩු කාලයක් තුළ ඉදිකිරීම් නිම කර ඇති මෙම නව කාර්යාලය මගින් ප්රදේශවාසීන්ට වඩාත් කාර්යක්ෂම තැපැල් සේවාවක් ලබා ගැනීමට අවස්ථාව සැලසේ.
මෙහිදී අදහස් දැක්වූ අමාත්යවරයා සඳහන් කළේ, ගත වූ දශකයක කාලය තුළ තැපැල් දෙපාර්තමේන්තුවේ සංවර්ධනයක් සිදු නොවූ අතර, වත්මන් රජය යටතේ පසුගිය වසරේ සහ මෙම වසරේ සංවර්ධන කටයුතු සඳහා රුපියල් මිලියන 1000ක් වෙන් කර ඇති බවයි.
