ශ්රී ලංකාව තුළ ව්යසනයක් බවට පත්ව ඇති මත්ද්රව්ය උවදුර සහමුලින්ම තුරන් කිරීමේ අරමුණින් රජය විසින් ප්රකාශයට පත් කරන ලද “මත්ද්රව්ය නිවාරණ සතිය”ට සමගාමීව අද (02) දිස්ත්රික් මට්ටමින් විශේෂ වැඩසටහන් රැසක් ආරම්භ කර තිබේ. “රටම එකට” ජාතික මෙහෙයුම යටතේ ක්රියාත්මක වන මෙම වැඩපිළිවෙළ මගින් පාසල් දරුවන් සහ තරුණ ප්රජාව මත්ද්රව්යවලින් මුදාගැනීම කෙරෙහි වැඩි අවධානයක් යොමු කර ඇත.
පොලිස් ස්ථාන කේන්ද්ර කර ගනිමින් දිවයින පුරා දැනුවත් කිරීමේ වැඩමුළු, අත්පත්රිකා බෙදා හැරීම සහ ස්ටිකර් ප්රදර්ශනය කිරීම සිදු කෙරේ. වරකාපොළ සහ කන්තලේ යන නගරවලදී අද දින පොලිස් නිලධාරීන්ගේ සහභාගිත්වයෙන් ජනතාව සහ පාසල් දරුවන් දැනුවත් කිරීමේ විශේෂ වැඩසටහන් පවත්වා ඇති අතර, එහිදී මත්ද්රව්යවලට ගොදුරු වූවන් පුනරුත්ථාපනය කිරීම පිළිබඳව ද උපදෙස් ලබා දී තිබේ.
ත්රිවිධ හමුදාව සහ පොලීසිය ඒකාබද්ධව සිදුකරන වැටලීම් තීව්ර කර ඇති අතර, මෙරට මත්ද්රව්ය ජාලය මෙහෙයවන ප්රධාන ජාවාරම්කරුවන් හඳුනා ගැනීමටත්, විදේශගතව සිට එම ජාවාරම් මෙහෙයවන්නන් මෙරටට ගෙන්වා ගැනීමටත් ආරක්ෂක අංශ සමත්ව ඇත. මෑත කාලීනව පෙර නොවූ විරූ අන්දමින් විශාල මත්ද්රව්ය ප්රමාණයන් අත්අඩංගුවට ගැනීමට හැකි වී ඇත්තේ මෙම දැඩි මර්දනකාරී වැඩපිළිවෙළ හේතුවෙනි.
