ලෝක සෞඛ්ය සංවිධානයේ (WHO) නිර්දේශය අනුව වසර 10කට වරක් පැවැත්විය යුතු ජාතික මුඛ සෞඛ්ය සමීක්ෂණය, 2026 මාර්තු 10 වන දින සිට නොවැම්බර් මාසය දක්වා මෙරටදී පවත්වන බව දන්ත සේවා විශේෂඥ වෛද්ය චන්දන ගජනායක මහතා අද (06) පැවති මාධ්ය හමුවකදී ප්රකාශ කළේය. මෙරට අවසන් වරට මෙවැනි සමීක්ෂණයක් පවත්වා ඇත්තේ 2015-2016 වසරවලදීය.
ශ්රී ලංකාවේ සීනි පරිභෝජනය ඉතා ඉහළ මට්ටමක පවතින අතර, නිරෝගී පුද්ගලයෙකු වසරකට භාවිත කළ යුත්තේ සීනි කිලෝ ග්රෑම් 10ක් වුවද, ශ්රී ලාංකිකයෙකු සාමාන්යයෙන් වසරකට සීනි කිලෝ ග්රෑම් 34ක් භාවිත කරයි. මෙම අධික සීනි භාවිතය නිසා මෙරට වැඩිහිටියන්ගේ විදුරුමස් රෝග ප්රතිශතය 50%ක් දක්වා ඉහළ ගොස් ඇත. එනම් සෑම වැඩිහිටියන් දෙදෙනෙකුගෙන් එක් අයෙකු විදුරුමස් රෝගියෙකි.
මීට අමතරව, වයස අවුරුදු 5ට අඩු දරුවන්ගේ දත් දිරායාමේ ප්රතිශතය 63%ක් වැනි ඉහළ අගයක පවතින අතර, එය පසුගිය සමීක්ෂණ හතරේදී ම වෙනස් නොවී පවතී. ජනගහනයෙන් 75%කට වැඩි පිරිසක් ෆ්ලෝරයිඩ් දන්තාලේප භාවිත කිරීම සුබ ලකුණක් වුවද, මෑතකාලීන ආර්ථික අර්බුදයත් සමඟ දන්තාලේප මිල ඉහළ යාම හේතුවෙන් දන්ත සෞඛ්යයට හානිකර ‘දත්කුඩු’ නැවත වෙළෙඳපොළට පැමිණීම අවදානම් සහගත තත්ත්වයක් බව වෛද්යවරයා අනතුරු ඇඟවීය.
