ශ්රී ලංකා ඩිජිටල් ආර්ථිකයේ නව පෙරළියක් ඇති කරමින් ජාතික QR ගෙවීම් ප්රචලිත කිරීමේ ව්යාපෘතිය ජනාධිපති අනුර කුමාර දිසානායක මහතාගේ ප්රධානත්වයෙන් අද (06) පෙරවරු 9.30 ට ජනාධිපති ලේකම් කාර්යාලයේදී ආරම්භ වීමට නියමිතය කාසි සහ නෝට්ටු භාවිතය අවම කරමින් මෙරට මූල්ය පද්ධතිය ඩිජිටල්කරණය කිරීම මෙහි ප්රධාන අරමුණයි අද සිට ක්රියාත්මක වන පරිදි රුපියල් 5000 දක්වා වූ සියලුම LankaQR ගනුදෙනු සඳහා වෙළෙඳුන්ගෙන් අය කරන සේවා ගාස්තුව සම්පූර්ණයෙන්ම ඉවත් කිරීමට මූල්ය ආයතන පියවර ගෙන ඇති අතර එමඟින් කුඩා පරිමාණ වෙළෙඳුන්ට කිසිදු අමතර වියදමකින් තොරව ඩිජිටල් ගෙවීම් භාර ගැනීමට අවස්ථාව හිමි වේ
දැනට ශ්රී ලංකාවේ වැඩිහිටි ජනගහනයෙන් 89% කට බැංකු පහසුකම් පවතින අතර LankaQR පද්ධතිය වෙළෙඳ මධ්යස්ථාන 450000 ක පමණ සක්රීයව පවතී එහෙත් තවමත් ආර්ථිකය තුළ රුපියල් ට්රිලියන 1.48 ක මුදල් නෝට්ටු සංසරණය වන බැවින් එම පරතරය අවම කිරීම සඳහා මෙම නව ව්යාපෘතිය යටතේ විශේෂ උපායමාර්ග රැසක් ක්රියාත්මක කෙරේ QR භාවිතය දිරිමත් කිරීම වෙනුවෙන් පාරිභෝගිකයන් සහ වෙළෙඳුන් සඳහා රුපියල් මිලියනය දක්වා වටිනා ත්යාග පිරිනැමෙන සතිපතා සහ මාසික දිනුම් ඇදීමේ වැඩසටහනක් ද අද සිට ආරම්භ වීමට නියමිතය
මෙම වැඩසටහන සාර්ථක කර ගැනීම සඳහා සිංහල දෙමළ සහ ඉංග්රීසි භාෂා ත්රිත්වයෙන්ම ජාතික මට්ටමේ ප්රචාරණ ව්යාපාරයක් දියත් කෙරෙන අතර දිස්ත්රික්ක 25 ම ආවරණය වන පරිදි විනිවිදභාවයෙන් යුතුව මෙය ක්රියාත්මක කිරීමට රජය සැලසුම් කර ඇත මුදල් නෝට්ටු භාවිතය වෙනුවට ආරක්ෂිත සහ පහසු ඩිජිටල් ගෙවීම් ක්රමවේදයකට ජනතාව හුරු කිරීම මඟින් රටේ ආර්ථික වේගය සහ විනිවිදභාවය ඉහළ නැංවීමට මෙමඟින් අපේක්ෂා කෙරේ
