ශ්රී ලංකාවේ නවසීලන්ත මහ කොමසාරිස් ඩේවිඩ් පයින් (David Pine) මහතා අද (17) ආරක්ෂක අමාත්යාංශයේදී ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා මහතා හමුවී ද්විපාර්ශ්වික සාකච්ඡාවල නිරත විය. නියෝජ්ය මහ කොමසාරිස් ගේබ්රියෙල් අයිසැක් (Gabrielle Isaak) මහත්මිය ඇතුළු ජ්යෙෂ්ඨ නිලධාරීන් පිරිසක් ද මෙම අවස්ථාවට එක්ව සිටියහ.
මෙහිදී දෙරට අතර ආරක්ෂක සහයෝගීතාව තවදුරටත් ශක්තිමත් කිරීම සහ ආර්ථික සබඳතා වර්ධනය කර ගැනීම පිළිබඳව විශේෂ අවධානයක් යොමු විය. විශේෂයෙන්ම කලාපීය ආරක්ෂාව ප්රවර්ධනය කිරීම සහ නීතිවිරෝධී සංක්රමණ මැඩලීම සඳහා දෙරට එක්ව කටයුතු කළ හැකි ආකාරය පිළිබඳව මෙහිදී දීර්ඝ ලෙස අදහස් හුවමාරු කර ගෙන තිබේ.
මැදපෙරදිග පවතින යුදමය නොසන්සුන්තාවය හමුවේ ගෝලීය ආරක්ෂාව සහ සැපයුම් මාර්ග අඩාල වෙමින් පවතින මෙවන් වකවානුවක, නවසීලන්තය වැනි මිත්ර රටවල් සමඟ පවත්වන මෙවැනි ආරක්ෂක සාකච්ඡා ශ්රී ලංකාවේ ජාතික ආරක්ෂාවට සහ ආර්ථික ස්ථාවරත්වයට ඉතා වැදගත් වේ. අද දිනයේම අමාත්ය මණ්ඩලය විසින් ඉන්ධන අර්බුදය කළමනාකරණයට සහ මූල්ය පද්ධතියේ ආරක්ෂාවට ගනු ලැබූ තීරණ මධ්යයේ මෙවැනි රාජ්යතාන්ත්රික සබඳතා වර්ධනය වීම කාලෝචිත පියවරකි.
