මෙරට ඉන්ධන සංචිත සහ ත්රිකුණාමලය තෙල් ටැංකි සංකීර්ණය සම්බන්ධයෙන් අද (03) පාර්ලිමේන්තුවේදී ආණ්ඩු පක්ෂය සහ විපක්ෂය අතර දැඩි වාග් සංග්රාමයක් ඇති විය. විපක්ෂ මන්ත්රී හෙක්ටර් අප්පුහාමි මහතා විසින් ඉන්ධන හිඟයක් පිළිබඳව ප්රශ්න කරද්දී, ඊට ක්ෂණිකව ප්රතිචාර දැක්වූ බලශක්ති අමාත්යවරයා සභාව හමුවේ අවධාරණය කළේ විපක්ෂය ජනතාව නොමග යවන බවයි. “මෙයාලා මොනවා කිව්වත්, අපි තෙල් ටැංකි සේරම උපරිම මට්ටමට පුරවලා තියෙන්නේ. රටේ ඉන්ධන හිඟයක් ඇති වෙන්න අපි ඉඩ තියන්නේ නැහැ” යනුවෙන් අමාත්යවරයා දැඩි ස්වරයෙන් ප්රකාශ කළේය. මැදපෙරදිග යුද වාතාවරණය හමුවේ වුවද මෙරට බලශක්ති සුරක්ෂිතතාවය තහවුරු කර ඇති බව රජය මෙහිදී සහතික කළේය.
