කිසිදු සාධාරණ පරීක්ෂණයකින් තොරව සිය වැඩ තහනම් කිරීමට පාර්ලිමේන්තු බලධාරීන් ගෙන ඇති තීරණය අභියෝගයට ලක් කරමින් පාර්ලිමේන්තුවේ හිටපු නියෝජ්ය මහලේකම් චමින්ද කුලරත්න මහතා ඉදිරිපත් කළ රිට් පෙත්සම සලකා බැලීම මාර්තු මස 18 වැනිදා සිදු කිරීමට අභියාචනාධිකරණය නියෝග කළේය. අභියාචනාධිකරණ සභාපති විනිසුරු රොහාන්ත අබේසූරිය සහ ප්රියන්ත ප්රනාන්දු යන මහත්වරුන්ගෙන් සමන්විත විනිසුරු මඩුල්ල හමුවේ අද (03) මෙම පෙත්සම කැඳවූ අවස්ථාවේදී පෙත්සම්කාර චමින්ද කුලරත්න මහතා ද අධිකරණය හමුවේ පෙනී සිටියේය. දෙපාර්ශවයේම නීතිඥවරුන් ඉදිරිපත් කළ කරුණු සලකා බැලූ විනිසුරු මඩුල්ල, අදාළ වැඩ තහනම බල රහිත කිරීමේ නියෝගයක් නිකුත් කරන්නේද යන්න පිළිබඳ කරුණු තහවුරු කිරීම සඳහා මෙලෙස දින නියම කරනු ලැබීය.
