පාර්ලිමේන්තුව අද (06) පෙරවරු 9.30ට කථානායක වෛද්ය ජගත් වික්රමරත්න මහතාගේ ප්රධානත්වයෙන් රැස්වීමට නියමිතයි. පසුගියදා පැවැති පාර්ලිමේන්තු කටයුතු පිළිබඳ කාරක සභා රැස්වීමේදී ගත් තීරණයකට අනුව අද දිනට නියමිතව තිබූ පෞද්ගලික මන්ත්රී යෝජනා විවාදය වෙනත් දිනකට කල් දමා ඇති අතර ඒ වෙනුවට මහජන ආරක්ෂක ආඥාපනත යටතේ සිදුකර ඇති ප්රකාශනය පිළිබඳ විවාදය පෙරවරු 11.30 සිට පැවැත්වීමට නියමිතව තිබේ.
අද දිනයේ පෙරවරු 10.00 සිට 11.00 දක්වා කාලය වාචික පිළිතුරු අපේක්ෂා කරන ප්රශ්න සඳහා වෙන් කර ඇති අතර පස්වරු 5.00ට අත්යවශ්ය මහජන සේවා පනත යටතේ වන යෝජනා සම්මතය විවාදයකින් තොරව අනුමත කිරීමට නියමිතය. අනතුරුව පස්වරු 5.30 දක්වා ආණ්ඩු පක්ෂය විසින් ඉදිරිපත් කරන සභාව කල් තබන අවස්ථාවේ යෝජනාව විවාදයට ගැනීමට සියලු කටයුතු සූදානම් කර ඇත.
