බලශක්ති අර්බුදය හමුවේ ඉන්ධන වැඩි මිලට අලෙවි කළ ව්යාපාරිකයෙකු පෙට්රල් ලීටර් 604 ක් ද සමඟ මැදිරිගිරිය, දියසෙන්පුර ප්රදේශයේදී අත්අඩංගුවට ගැනීමට මිගස්වැව පොලිසිය සමත්ව තිබේ. පිරවුම්හල්වලින් ලබාගන්නා පෙට්රල් එක් බෝතලයක් රුපියල් 320 බැගින් වැඩි මිලට අලෙවි කරමින් සිටියදී අත්අඩංගුවට ගත් මෙම සැකකරු සන්තකයේ තිබී පෙට්රල් බැරල් 2 ක් සහ බූලි 7 ක් පොලිස් භාරයට ගෙන ඇත. අදාළ සැකකරු අද (19) දින හිඟුරක්ගොඩ මහේස්ත්රාත් අධිකරණය වෙත ඉදිරිපත් කිරීමට නියමිතය.
මැදපෙරදිග පවතින උග්ර යුද අර්බුදය සහ ලෝක වෙළඳපොළේ බොරතෙල් මිල බැරලයකට 103$ මට්ටමේ පැවතීම හමුවේ ශ්රී ලංකාව සිය බලශක්ති කළමනාකරණය සඳහා අද (19) සිට වාහන අංක තහඩුවේ අවසාන ඉලක්කම අනුව ඉන්ධන නිකුත් කිරීමේ නව ක්රමවේදය ක්රියාත්මක කරයි. ඒ අනුව අද දින අංක තහඩුවේ අවසාන ඉලක්කම ඔත්තේ අංකයක් (1, 3, 5, 7, 9) වන වාහන හිමියන්ට QR පද්ධතිය හරහා ඉන්ධන ලබාගත හැකිය. ඊයේ (17) කොළඹට පැමිණි ‘Seafrontier’ නෞකාවේ ඉන්ධන තොග මේ වන විට දිවයින පුරා බෙදා හරිමින් පවතින අතර, ඉන්ධන පිරිමැසීම සඳහා රජය සෑම බදාදා දිනකම රජයේ සේවකයන්ට නිවාඩු ලබා දීමට ද පියවර ගෙන ඇත.
කාලගුණික තත්ත්වය දෙස බලන විට, දිවයිනේ බොහෝ ප්රදේශවලට අද පස්වරු 1.00 න් පමණ පසුව වැසි හෝ ගිගුරුම් සහිත වැසි ඇති විය හැකි අතර මධ්යම, සබරගමුව සහ ඌව පළාත්වලට මිලිමීටර් 75 ඉක්මවූ තද වැසි ඇති විය හැකි බවට කාලගුණ විද්යා දෙපාර්තමේන්තුව අනතුරු අඟවා තිබේ. ආරක්ෂක අංශ විසින් අනුරාධපුරයේදී චීන ජාතිකයන් ඇතුළු විදේශිකයන් 134 ක් අන්තර්ජාල මූල්ය ජාවාරමක් සම්බන්ධයෙන් අත්අඩංගුවට ගෙන ඇති අතර, තංගල්ල කොට්ඨාස අපරාධ විමර්ශන කාර්යාංශය විසින් රුපියල් කෝටි ගණනක් වටිනා වියළි ගංජා කිලෝග්රෑම් 370 කට අධික තොගයක් ද අත්අඩංගුවට ගෙන තිබේ. මේ අතර තරබාරුකම පාලනය සඳහා ඉන්දියාවේ නිෂ්පාදිත සහනදායී මිලට ලබාගත හැකි නව ඖෂධයක් ඉදිරියේදී වෙළෙඳපොළට පැමිණීමට නියමිත බව සෞඛ්ය අංශ පෙන්වා දෙයි.
