පාසල් අතර පැවැත්වෙන වාර්ෂික මහා ක්රිකට් තරග හෙවත් “බිග් මැච්” සමය ආරම්භ වීමත් සමඟ, සිසුන්ගේ සහ මහජනතාවගේ ආරක්ෂාව වෙනුවෙන් ශ්රී ලංකා පොලීසිය විශේෂ මාර්ගෝපදේශ මාලාවක් අද (02) නිකුත් කර තිබේ. පාසල් සිසුන්, ආදි සිසුන් සහ දෙමාපියන් වගකීම් සහගතව කටයුතු කළ යුතු බව එහි අවධාරණය කර ඇත.
පොදු ස්ථානවල කලහකාරී ලෙස හැසිරීම, මාර්ග අවහිර කිරීම සහ මහජනයාට පීඩා වන පරිදි කෑකෝ ගැසීමෙන් වැළකී සිටිය යුතුය. විශේෂයෙන්ම රථ පෙළපාලි (Truck Parades) යාමේදී ලොරි සහ ට්රක් රථවල අනතුරුදායක ලෙස ගමන් කිරීම සපුරා තහනම් වන අතර පොලිස් මාර්ගෝපදේශ අනුගමනය කිරීම අනිවාර්ය වේ.
බලපත්ර නොමැතිව රිය පැදවීම, බීමත්ව රිය පැදවීම සහ ක්රීඩාංගණ තුළට මත්පැන් හෝ මත්ද්රව්ය රැගෙන ඒම සම්බන්ධයෙන් පොලීසිය දැඩිව නීතිය ක්රියාත්මක කරනු ඇත. එමෙන්ම ප්රතිවිරුද්ධ පාසල්වල සිසුන්ට අපහාස කිරීම හෝ සමාජ මාධ්ය හරහා වෛරී ප්රකාශ පැතිරවීමෙන් වැළකිය යුතුය.
තම දරුවන් සහභාගී වන උත්සව සහ ඔවුන් ගැවසෙන ස්ථාන පිළිබඳව විමසිලිමත් වන ලෙසත්, රථ පෙළපාලි සඳහා දරුවන්ට වාහන ලබාදීමේදී වඩාත් සැලකිලිමත් වන ලෙසත් පොලීසිය දෙමාපියන්ගෙන් ඉල්ලා සිටී. සාමය කඩකරන හෝ පොදු දේපළවලට හානි කරන පිරිස්වලට එරෙහිව තරාතිරම නොබලා නීතිය ක්රියාත්මක කරන බවද පොලීසිය වැඩිදුරටත් සඳහන් කරයි.
