මෝටර් රථ ප්රවාහන දෙපාර්තමේන්තුව විසින් වාහන අංක තහඩු නිකුත් කිරීමේ ප්රසම්පාදන ගැටලුවක් හේතුවෙන් අංක තහඩු මෙතෙක් ලැබී නොමැති වාහන සඳහා QR කේතය මගින් ඉන්ධන ලබාගැනීමේදී පැනනගින ගැටලුවලට විසඳුම් ලබා දී තිබේ. ඒ අනුව, එවැනි වාහන හිමියන්ට සිය වාහනයේ අනන්යතාව තහවුරු කිරීම සඳහා නිල ලේඛන ඉදිරිපත් කළ හැකි බව මෝටර් රථ ප්රවාහන කොමසාරිස් ජනරාල් කමල් අමරසිංහ මහතා අද (මාර්තු 20) නිවේදනය කළේය
ඉන්ධන පිරවුම්හල්වලදී අනන්යතාව තහවුරු කිරීමට ගැටලුවක් වුවහොත් වාහන ආදායම් බලපත්රය, ලියාපදිංචි සහතිකය (පොත), වාහන රක්ෂණ සහතිකය හෝ දුම් පරීක්ෂණ සහතිකය යන ලේඛනවලින් එකක් ඉදිරිපත් කළ හැකිය. පසුගිය කාලසීමාවේ අංක තහඩු නිකුත් නොකිරීම හේතුවෙන් ඇතැම් වාහන හිමියන් විවිධ ආකාරයේ තාවකාලික අංක තහඩු භාවිත කිරීමට පෙළඹී ඇති අතර, මෙම ලේඛන මගින් නිවැරදි වාහනය හඳුනා ගැනීමට සහාය වන ලෙස කොමසාරිස් ජනරාල්වරයා ඉල්ලා සිටියි.
ගෝලීය බලශක්ති අර්බුදය හමුවේ ක්රියාත්මක වන ඔත්තේ ඉරට්ටේ දින ක්රමය යටතේ ඉන්ධන ලබාගැනීමේදී මෙම ලේඛන සන්තකයේ තබා ගැනීම අත්යවශ්ය වේ. මෙමගින් නීත්යානුකූලව ලියාපදිංචි වී ඇති එහෙත් අංක තහඩු රහිත වාහන හිමියන්ට බාධාවකින් තොරව ඉන්ධන ලබාගැනීමට අවස්ථාව සැලසේ.
